მომღერალმა და სიმღერების ავტორმა Kesha-მ მრავალწლიანი დავის შემდეგ პირველი დამოუკიდებელი ალბომი, სახლწოდებით Period გამოუშვა.
ალბომში 11 პოპ სიმღერაა გაერთიანებული. მათ შორის არის სინგლები: Joyride, Yippee-Ki-Yay, Delusional, The One და Boy Crazy.
ეს არის Kesha-ს პირველი პროექტი, რომელიც საკუთარი ლეიბლის, Kesha Records-ის ქვეშ გამოიცა.
არტისტმა ალბომის გამოსვლამდე, 4 ივლისს, ღიად და ემოციურად ისაუბრა დამოუკიდებლობის მოპოვების პროცესზე.
Period-ის გამოშვებამდე Kesha-ს ხელშეკრულება ჰქონდა Kemosabe Records-თან, რომლის მფლობელ Dr. Luke-თან წლების განმავლობაში სასამართლო დავაში იყო ჩართული. საბოლოოდ კი, 2023 წელს, მოლაპარაკების შედეგად, მხარები შეთანხმდნენ.
2024 წლის მარტში Kesha-მ საბოლოოდ Kemosabe Records-თან კონტრაქტი შეწყვიტა და პირველ დამოუკიდებელ ალბომზე მუშაობა დაიწყო. ახლახან მან Billboard-თან ინტერვიუში განაცხადა:
„ვგრძნობ, რომ ეს ჩემთვის, რაღაცნაირად, საკუთარ თავთან დაბრუნებაა, არა მხოლოდ იურიდიულად, ჩემი ხმის უფლებებისთვის, არამედ ყველაფრისგან გათავისუფლებისთვის. ეს არის საკუთარ სხეულთან, პირად სიხარულთან დაბრუნება. ამ პროცესში ერთ-ერთი მნიშვნელოვანი ნაწილი იყო ჩემი ჯანსაღი დამოკიდებულება მუსიკასთან, რისი შექმნაც სირთულეებთან და იმ მოვლენებთან იყო დაკავშირებული, რომელთაც მე მხარს არ ვუჭერდი.” – გნაცხადა არტისტმა.
Period – მომღერლის მეექვსე სტუდიური ალბომია. კარიერის განმავლობაში მისი ოთხი ალბომი Billboard 200-ის ტოპ 10-შია შესული, მათ შორის N1 ჰიტები Animal (2010) და Rainbow (2017).
მოისმინეთ Kesha-ს ახალი ალბომი Period:
