10 ივლისს ჯასტინ ბიბერმა ახალი ალბომის სახელი და სიმღერების სია ბილბორდების საშუალებით გაამჟღავნა. შავ-თეთრ ბანერზე, რომელიც Times Square-ზეა განთავსებული, ჯასტინ ბიბერი წინა პლანზე დგას, ფონზე კი მისი მეუღლე, ბრენდ – Rhode-ის დამფუძნებელი ჰეილი ბიბერია მათი ვაჟის, ჯეკ ბლუზის თანხლებით. ბანერზე ასევე ჩანს 20 სიმღერისგან შემდგარი სია, სადაც ვხვდებით სახელწოდებებს: All I Can Take, Go Baby, Dadz Love და Swag.
შესაძლოა, Swag ალბომის სახელწოდებაც იყოს, რადგან მსგავსი ბანერები ჯასტინ ბიბერის სხვა ფოტოებით და მხოლოდ ამ სიტყვით ლოს-ანჯელესში და ისლანდიის დედაქალაქ რეიკიავიკშიც გამოჩნდა.
მუსიკოსის ბანერები The Hollywood Reporter-ის მიერ გავრცელებულ ინფორმაციას მალევე მოჰყვა, რომლის მიხედვითაც, ჯასტინი 11 ივლისს რიგით მეშვიდე სტუდიურ ალბომს გამოსცემს.
აღსანიშნავია, რომ ჯასტინს 2021 წელს გამოცემული ალბომის, Justice-ის შემდეგ სრული სტუდიური ჩანაწერი აღარ გამოუშვია.
ახალი ალბომი ასევე არტისტის პირველი სოლო ნამუშევარი იქნება, მას შემდეგ, რაც აგვისტოში მამა გახდა. Billboard-მა კომენტარისთვის ჯასტინ ბიბერის წარმომადგენელს მიმართა.
ბიბერი ბოლო თვეების განმავლობაში ინსტაგრამ გვერდზე, აქტიურად ავრცელებდა სტუდიაში გადაღებულ ფოტო/ვიდეოებს. 2025 წელს იგი არაერთხელ მოხვდა მედიის ყურადღების ცენტრშიც, მას შემდეგ, რაც პირად გვერდზე საიდუმლოებით მოცულ ტექსტებს აქვეყნებდა.
ნახეთ ჯასტინ ბიბერის ერთ-ერთ პოსტი:
