2005 წელს გადაღებული ფილმის, Pride & Prejudice-ის 20 წლის იუბილესთან დაკავშირებით ფილმის საუნდტრეკების ვინილი გამოიცა. ხელხალი გამოცემის შემდეგ კი საუნდტრეკი Billboard-ის კლასიკური ალბომების ჩარტებში – Classical Albums და Classical Crossover Albums-ში N1 ადგილზე მოხვდა.
ფილმის საუნდტრეკი დარიო მარიენალიმ დაწერა, რომელსაც პიანისტი ჟან-ივ ტიბაუდე და ინგლისის კამერული ორკესტრი ასრულებს. ვინილის ფორმატში ალბომი 27 ივნისს გამოვიდა.
Billboard-ის მონაცემების მიმწოდებელი მთვლელი კომპანიის, Luminate-ის მიხედვით, ალბომმა აშშ-ში 9 000 ექვივალენტური ერთეული მოაგროვა, რაც წინა კვირასთან შედარებით 974%-იანი ზრდის მაჩვენებელია. აქედან 8 000-ზე მეტი კი ალბომის ფიზიკურ გაყიდვებზე მოდის.
ვინილის სახით გამოცემული ალბომი Billboard-ის საუნდტრეკების ჩარტში საუკეთესო – N3-ე მაჩვენებელზე ავიდა და პირველად გამოჩნდა ვინილის ალბომების (N5), საყოველთაო ალბომბისა (N9) და Billboard 200-ის (N180) ჩარტებში.
Billboard 200 – კვირის განმავლობაში აშშ-ში ქვეყნის მასშტაბით ყველა ჟანრის ყველაზე მოთხოვნადი ალბომების მონაცემებს ასახავს. ვინილის ალბომების და საყოველთაო ალბომების გაყიდვების ჩარტები კი კვირის განმავლობაში ყველაზე გაყიდვადი ვინილის ალბომების მონაცემებს აჩვენებს.
ფილმი Pride & Prejudice რეჟისორმა ჯო რაიტმა გადაიღო, სადაც მთავარ როლებს კირა ნაიტლი და მეთიუ მაკფეიდიენი ასრულებენ. ფილმმა ოთხი ოსკარი მოიპოვა შემდეგ ნომინაციებში: საუკეთესო მსახიობი ქალი – კირა ნაიტლი, საუკეთესო სცენოგრაფია – სარა გრინვუდი, კეტი სპენსერი, საუკეთესო კოსტიუმების დიზაინი – ჟაკლინ დურანი და საუკეთესო ორიგინალური მუსიკა – დარიო მარიანელი.
