11 ივლისსს Backstreet Boys-ის კონცერტების სერიის – Into the Millennium – პირველი საღამო გაიმართა. კონცერტზე 1999 წლის ალბომ Millennium-ში შესული თორმეტივე კომპოზიცია გაჟღერდა, თუმცა არა იმ თანმიმდევრობით, როგორც ეს 90-იანი წლების თინეიჯერებს ახსოვთ. აქ მსმენელს ნამდვილი სიურპრიზი ელოდა. საღამოს, ალბომ Millennium-ში შესული სიმღერების გარდა, დამსწრე საზოგადოებამ ასევე მოისმინა ახალი სინგლიც, სახელწოდებით Hey. საღამო სინგლით Larger Than Life გაიხსნა, რომელიც ალბომის პირველი კომპოზიცია და ასევე ბენდის 2017-2019 წლების ლას ვეგასის პირველი რეზიდენციის სახელწოდებაცაა.
სიმღერათა სიაში მესამე ნომრად Backstreet Boys-ის სადებიუტო ალბომიდან სიმღერა As Long as You Love Me გაჟღერდა, თუმცა, როგორც გულშემატკივრები მოელოდნენ, ბენდის ერთ-ერთი ყველაზე გამორჩეული ჰიტი I Want It That Way შოუს ფინალში არ უმღერიათ. საერთო ჯამში, 25 ნომერიან სეტლისტში კომპოზიციები ოთხი სხვადასხვა ალბომიდან იყო წარმოდგენილი.
აღსანიშნავია, რომ კონცერტები ლას ვეგასში 24 აგვისტომდე გაგრძელდება. ნახეთ სიმღერათა სია Backstreet Boys-ის საკონცერტო სერიის პირველი საღამოდან, რომელიც ლას ვეგასის საკონცერტო დარბაზ Sphere-ში გაიმართა:
