თუ გიფიქრიათ, გამოეხმაურებოდა თუ არა ჯასტინ ბიბერი მის გარშემო არსებულ მთავარ თემებს თავის მეშვიდე ალბომში SWAG, პასუხი არის დიახ.
ახალ პროექტში, რომელიც პარასკევს მოულოდნელად, დაანონსებიდან მხოლოდ რამდენიმე საათში გამოვიდა, ბიბერი არ ერიდება ყველაზე ცხელ თემებზე საუბარს, მათ შორისაა ქორწინება, მამობა და ის, თუ როგორ იკავებს თავს მოწევისგან ფილტვების დასაცავად. „ბილბორდის” პოდკასტში კეტი და კეითი საუბრობენ, თუ რატომ ჰქონდა ასეთი დიდი მნიშვნელობა ალბომის მოულოდნელ გამოცემას, რა ჟღერადობას ქმნის ის და რა პოზიცია შეიძლება დაიკავოს SWAG-მა მომავალი კვირის Billboard 200-ში.
ჩარტის პირველ ადგილს, უკვე მერვე კვირაა, რაც მორგან უოლენის I’m the Problem იკავებს. შოუში საუბარია იმაზეც, თუ რამდენად უჩვეულოა, როცა ალბომი თავის პირველ ორ თვეს ჩარტის ლიდერის პოზიციაზე ატარებს.
„ბილბორდის” Pop Shop Podcast საუკეთესო ადგილია პოპამბების გასაგებად და ყოველკვირეულ ჩარტებზე ინფორმაციის მისაღებად. მასში ასევე მოისმენთ დისკუსიებს ახალ ამბებზე, ჩარტების სტატისტიკებსა და ახალ მუსიკაზე და ნახავთ ინტერვიუებს მუსიკალურ ვარსკვლავებთან და პოპის სამყაროს წარმომადგენლებთან. პოდკასტს უძღვებიან „ბილბორდის” აღმასრულებელი ციფრული დირექტორი კეტი ატკინსონი და ბილბორდის ჩარტებისა და მონაცემთა ოპერაციების მენეჯერი კეით კოლფილდი.
