Salio-მ ახალი მუსიკალური ვიდეო წარადგინა, რომელიც გადაღებულია სიმღერაზე – „შენთან მინდა“. სიმღერის პრემიერა 11 აგვისტოს შედგა.
სიმღერის ტექსტი და მელოდია თავად Salio-ს ეკუთვნის. ტრეკის პროდაქშენზე, მიქსინგსა და მასტერინგზე ბექა ჯაფარიძე-შუკვანმა იმუშავა. მუსიკალური ვიდეოს რეჟისორი ნუცა ჩაკვეტაძეა.
Salio-მ მუსიკალური კარიერა 2000-იან წლებში დაიწყო. ის ცნობილია სოულისა და ჯაზის მოტივებზე დაფუძნებული ვოკალური სტილით. მისი შემოქმედება ჟანრობრივად მრავალფეროვანია და აერთიანებს სოულს, R&B-ს, ჯაზს, ბლუზს და ალტერნატიულ პოპს.
