ნინო ქათამაძე და ნიკოლოზ რაჭველი უკრაინის ერთ-ერთ ყველაზე საპატიო დაჯილდოების ცერემონიაზე წარდგნენ, სახელწოდებით „უკრაინის ლეგენდა.” ქართველმა მუსიკოსებმა ცნობილი უკრაინული სიმღერა Чернобривцы შეასრულეს. მუსიკალური ნომერი ემოციური აღმოჩნდა აუდიტორიისთვის, რომელთა შორისაც იყო უკრაინის პრეზიდენტი ვოლოდიმირ ზელენსკი. სწორედ ზელენსკი იყო პირველი, ვინც სიმღერის დასრულებისთანავე მუსიკოსებს ფეხზე წამოუდგა. მას აჰყვა მთელი დარბაზი, რომელმაც ნინო ქათამაძე და ნიკოლოზ რაჭველი დიდი ოვაციებითა და ხანგრძლივი აპლოდისმენტებით დააჯილდოვა. მაყურებელთა შორის იყო Okean Elzy-ს სოლისტი სლავა ვარჩუკიც, რომელიც სცენაზე ავიდა და ქართველ მუსიკოსებს გადაეხვია.
„დიდება უკრაინას! ჩვენო უკრაინა, ჩვენ თქვენთან ვართ,” – თქვა სცენიდან ნინო ქათამაძემ.
დაჯილდოების ცერემონია რამდენიმე დღის წინ გაიმართა, ხოლო ეთერში 24 აგვისტოს, უკრაინის დამოუკიდებლობის დღეს გადაიცა.
