„შობის დედოფალმა“ მერაია კერიმ განაცხადა, რომ საშობაო შოუ – Mariah Carey’s Christmastime in Vegas, ლას-ვეგასში, MGM-ის არენაზე, Dolby Live-ის სცენაზე გაიმართება.
„მიხარია, რომ საშობაო შოუ Dolby Live-ის სცენაზე, Park MGM-ში, ლას-ვეგასში გაიმართება!“ – დაწერა 15 სექტემბერს ინსტაგრამზე გრემის ხუთგზის მფლობელმა არტისტმა მერაია ქერიმ.
საშობაო შოუების ათდღიანი სერია მადლიერების დღის მეორე დღეს, 28 ნოემბერს დაიწყება და 13 დეკემბრამდე გაგრძელდება. ბილეთების გაყიდვა კი 20 სექტემბერს, დაიწყება.
შოუები მომღერლის ლას-ვეგასის რეზიდენციას, The Celebration of Mimi Live-ს მოსდევს, რომლებიც 2024 და 2025 წლებში გაიმართა.
მსოფლიოში აღიარებულ მომღერალს, მერაია კერის დღესდღეობით Billboard Hot 100-ში 19 N1 ჰიტი აქვს, მათ შორის მისი საყოველთაოდ აღიარებული საშობაო სიმღერა All I Want for Christmas Is You. ეს სიმღერა 2017 წლიდან ყოველ შობას ჩარტების ზენიტშია.
MTV-მ ახლახან განსაკუთრებული პატივი მიაგო მერია კერის მრავალწლიან კარიერას და 7 სექტემბერს გამართულ MTV-ის მუსიკალური ვიდოების დაჯილდოებაზე Video Vanguard Award გადასცა. ლეგენდარულმა მომღერალმა სცენაზე ყველაზე ცნობილი ჰიტების კრებული შეასრულა, რის შემდეგაც Moon Person-ის ჯილდო პირველად მიიღო. სიტყვით გამოსვლისას მერაიამ ხუმრობითაც კი აღნიშნა: “რატომ დაგაგვიანდათ ასე ძალიან?!“
ნახეთ მერაია კერის საშობაო შოუების ანონსი ლას-ვეგასში.
