Vinda Folio-მ ახალი სინგლი „ქარი კვლავ არხევს“ გამოუშვა

ქართული პოსტ-პანკ სცენის ერთ-ერთი გამორჩეული წარმომადგენელი Vinda Folio (თემო ეზუგბაია) ახალ მუსიკალურ ნამუშევარს აქვეყნებს. სიმღერა „ქარი კვლავ არხევს“ ოქტომბერში Bloom Music-ის ლეიბლის ქვეშ გამოვიდა და არტისტისთვის დამახასიათებელ მელანქოლიურ, ინტროსპექტულ ჟღერადობას ინარჩუნებს.

ახალი კომპოზიციის ტექსტი ამავე სახელწოდების, კლასიკად აღიარებული ნამუშევრისგან „ქარი კვლავ არხევს” არის შთაგონებული, (,,ქარი კვლავ არხევს ნაცნობ ლელიანს, საწყისები ქაოსთან თანხმდებიან.”) თუმცა Vinda Folio-მ მას სრულიად ახალი სიცოცხლე შესძინა, სადაც ტექსტი, მელოდია და ემოციური ტონალობა სრულიად ახლებურადაა გადააზრებული. 

სიმღერა „ქარი კვლავ არხევს“  ემოციური ვოკალისა და დინამიკური ტექსტის ნაზავია, რომელიც დროის, შემთხვევითობების და შინაგანი მოძრაობის თემას მოიცავს. 

მოისმინეთ Vinda Folio-ს სიმღერა „ქარი კვლავ არხევს”