ამერიკული Billboard განცხდებას აცრცელებს. როგორც სტატიაშია მითითებული, გამოცემისათვის ცნობილი გახდა, რომ გარკვეული პირები, სავარაუდო კრიპტოვალუტასთან დაკავშირებული თაღლითური სქემისათვის, Billboard-ის სახელსა და სავაჭრო ნიშნებს იყენებენ. ეს არ წარმოადგენს ლეგიტიმურ საქმიანობას და არანაირი კავშირი არ აქვს Billboard-თან.
„თუ თქვენ ამგვარი თაღლითური სქემის მსხვერპლი აღმოჩნდით, რეკომენდებულია, რომ მიმართოთ ინტერნეტდანაშაულთან ბრძოლისთვის შექმნილ ცენტრს (IC3) მის ოფიციალურ ვებგვერდზე,” – ვკითხულობთ გამოცემის მიერ გოქვეყნებულ განცხადებაში.
Billboard მუსიკის ან არტისტების პოპულარიზაციის სანაცვლოდ არ ითხოვს რაიმე სახის ანაზღაურებას. ვებგვერდები და სოციალური მედიის არხები, რომლებიც კრიპტოვალუტაში გადახდის სანაცვლოდ მუსიკოსებს გაშუქებას ჰპირდებიან, არ არიან გამოცემასთან დაკავშირებული.
დადასტურებული თაღლითური მაგალითებია: musicpromobillboard.com/login და musicpromobillboard.com/register.
იგივე ეხება ნებისმიერ „კომპანიას“, რომელიც თავს Billboard-ს ან Billboard International, LLC-ს უწოდებს და ონლაინ ან ბეჭდურ გამოცემაში ფასიანი გაშუქებისთვის რეგისტრაციას გთავაზობთ.
როგორც Billboard განმარტავს, მსგავსი შემთხვევა პირველი არ არის. სოციალური მედიის თაღლითები წლების განმავლობაში წარადგენენ საკუთარ თავს Billboard-ის კონტრიბუტორებად, იყენებენ რეალური ავტორების ფოტოებს, ბიოგრაფიულ ინფორმაციას და უკავშირდებიან კერძო პირებსა და მუსიკოსებს – ყველაზე ხშირად დამწყებ არტისტებს – და თანხის გადახდის სანაცვლოდ მედიაგაშუქებას სთავაზობენ. ასევე მნიშვნელოვანია აღინიშნოს, რომ Billboard-ს არ აქვს უფლება უშუალოდ დაბლოკოს სოციალური მედიის ანგარიშები, რომლებიც ბრენდის სახელს ითვისებენ. ამიტომ აუცილებელია სიფრთხილის დაცვა და მსგავსი თაღლითური სქემების თავიდან აცილება.
Billboard-ის რეალური საკონტაქტო ინფორმაცია პლატფორმის ოფიციალურ ვებგვერდზეა განთავსებული, რომელიც ნებისმიერი დაინტერესებული პირისათვის არის ხელმისაწვდომი.
გამოცემა ასევე ასახელებს იმ ვებ-გვერდების მისამართებს, რომლებიც ინტერნეტ სივრცეში არსებობენ, თუმცა არავითარ კავშირში არ არიან Billboard-თან და თაღლითური სქემის ნაწილს წარმოადგენენ:
http://billboardaispace.com/
აღსანიშნავია, რომ ეს მხოლოდ ნაწილია და შესაძლოა არსებობდეს სხვა მსგავსი ვებგვერდებიც.
