ჯგუფი Bedford Falls მსმენელის წინაშე განსხვავებული ფორმატით – ახალგაზრდა სიმფონიური ორკესტრის თანხლებით წარდგა. კონცერტები 6 და 7 დეკემბერს თბილისში, კონსტიტუციის ქუჩაზე მდებარე ყოფილი ბაზრის ტერიტორიაზე გაიმართა. ორივე საღამოზე დასასწრები ყველა ბილეთი სრულად გაიყიდა.
კონცერტს მირიან ხუხუნაიშვილი დირიჟორობდა. საღამოს ასევე ჰყავდა სპეციალურად მოწვეული სტუმარი – Kordz, რომელმაც Bedford Falls-ის სიმღერის თავისებური ვერსია ბენდთან ერთად შეასრულა.
კონცერტზე გაჟღერდა სხვადასხვა პერიოდის საუკეთესო ჰიტები, როგორებიც არის: Thrill Is Gone, „კინო“, „ზამთარია“, Macedonia, „მერმისი“ და სხვა კომპოზიციები.
ღინისძიების წარმდგენი იყო SOLO.
Bedford Falls თანამედროვე ქართული მუსიკალური სცენის ერთ-ერთი ყველაზე პოპულარული როკ-ბენდია. ჯგუფის შემადგენლობაში არიან: დათო ჯიქია, მიხო კალანდარიშვილი, გიორგი მიგრიაული და სანდრო დიასამიძე. ბენდის მუსიკალური ჟღერადობა მრავალფეროვანია და აერთიანებს როგორც ინდი-როკის, ისე დრიმ-პოპის ელემენტებს.
