როგორც ცნობილია, Rolling Stones-მა 2026 წელს დიდ ბრიტანეთსა და ევროპაში დაგეგმილი ტურნე, რომლის თარიღებიც ოფიციალურად არასდროს გამოცხადებულა, გააუქმა. ინფორმაციას, ბენდთან დაახლოებულ ანონიმურ წყაროზე დაყრდნობით, Variety ავრცელებს.
გამოცემის ცნობით, გიტარისტი კით რიჩარდსი, რომელსაც 18 დეკემბერს 82 წელი უსრულდება, ტურნეში გამგზავრებას ვეღარ შეძლებს.
ცნობები, როგორც ჩანს, უკავშირდება ბრიტანულ ტაბლოიდ The Sun-ში დაბეჭდილ ინფორმაციას, სადაც ბენდის პიანისტი ჩაკ ლიველი ამბობდა, რომ 2024 წლის ჩირდილოამერიკული ტურნეს შემდეგ Rolling Stones კონცერტების პირველ გასვლით სერიას გეგმავდა მას შემდეგ, რაც იძულებული გახდნენ, გაეუქმებინათ 2025 წლის ზაფხულის დიდი ბრიტანეთის ტურნე, რომელიც ასევე არ ყოფილა ოფიციალურად დადასტურებული.
ლიველი ამბობდა, რომ 82 წლის მიკ ჯაგერი და 81 წლის რიჩარდსი შეჩერებას არ აპირებდნენ. „მათ ჯერ კიდევ არ სურთ როკ-ენ-როლის ბუცების ლურსმანზე ჩამოკიდება.”
ცნობებში The Variety ასევე უთითებს Sun-ის კიდევ ერთ სტატიას, სადაც ანონიმური მუსიკის კრიტიკოსი წერს, რომ რიჩარდსს ბენდის წევრებისთვის ნათქვამი ჰქონდა, რომ არ იყო აღფრთოვანებული დიდ სტადიონებზე გამოსვლის იდეით და არ ფიქრობდა, რომ ამას კვლავ შეძლებდა.
„ბილბორდი” კომენტარისთვის Rolling Stones-ს დაუკავშირდა, თუმცა ბენდის წარმომადგენელი მიმართვას აქამდე არ გამოხმაურებია. სოციალურ მედიაში კომენტარი არ გაუკეთებიათ არც ჯაგერსა და რიჩარდსს.
სექტემბერში Hackney Diamonds-ის პროდიუსერმა ენდრიუ უოტმა გამოცემა Rolling Stone-ს უთხრა, რომ ის ბენდის გრემის მფლობელი 24-ე ალბომის გაგრძელებაზე მუშაობდა და ამ პროცესს აღწერდა, როგორც „მუშაობას ბეტმენისთვის.”
