27 დეკემბერს კანიე უესტი დეონ კოულის კომედიური შოუს მსვლელობისას მოულოდნელად გამოჩნდა. ის სცენაზე ავიდა და გაამხილა, რომ ახალ ალბომზე მუშაობს.
კოულმა შოუს შემდეგ ინსტაგრამზე ამ მომენტის ამსახველი ვიდეოს ფრაგმენტიც გამოაქვეყნა. ვიდეოში კოულმა უესტი სცენაზე მიიწვია და აუდიტორიას „კარგი მეგობრის“ სტატუსით წარუდგინა. წამყვანმა რეპერს შოუში მისვლისთვის მადლობაც გადაუხადა. შემდეგ საუბარი უესტის მომავალ პროექტებს შეეხო. „გვითხარი რამე, რას შეგვიძლია ველოდოთ?“ – ჰკითხა კოულმა. ვესტმა კი მოკლედ უპასუხა: „ახალ ალბომს“, რასაც აუდიტორია ხმაურიანი ოვაციებით შეხვდა.
ნოემბერში კანიე უესტი ასევე გამოჩნდა ტრევის სკოტის Circus Maximus-ის შოუში, რომელიც იაპონიაში 8 ნოემბერს გაიმართა. ეს მომენტი ასევე გამორჩეული იყო რეპერის უეცარი გამოჩენით. ფანების მიერ გადაღებულ ვიდეოში ჩანს, რომ უესტმა, რომელსაც სახე დაფარული ჰქონდა, შოუს დროს ნიღაბი მოიხსნა და 2007 წლის ჰიტი – Can’t Tell Me Nothing შეასრულა. შოუს განმავლობაში სკოტი სცენაზე დარჩა. კანიე უესტის სეტში შესრულდა ისეთი ჰიტები, როგორებიცაა: Runaway, Heartless, Flashing Lights, Stronger და All of the Lights.
კანიე უესტი უახლოეს მომავალში იტალიაში გაემგზავრება, რათა ახალი Hellwatt ფესტივალი გახსნას, რომელიც RCF Arena-ზე 4-18 ივლისს გაიმართება. ღონისძიება ოფიციალურად 2026 წლის იანვრის ბოლოს ან თებერვლის დასაწყისში დაანონსდება.
2026 წლის თებერვალში ორი წელი გავა მას შემდეგ, რაც უესტის ალბომი – Vultures გამოვიდა. Ty Dolla $ign-თან ერთად ჩაწერილმა ალბომმა Billboard 200-ის ჩარტში მოწინავე ადგილი დაიკავა.
