ხშირად სიმღერებს YouTube-ზე მილიარდი ნახვის დაგროვებისთვის წლები, ზოგჯერ კი ათ წელზე მეტიც სჭირდებათ, თუმცა ეს ნამდვილად არ ეხება სიმღერას Golden, რომელიც KPop Demon Hunters-ის გამორჩეული მეგაჰიტია.
სიმღერას EJAE, Audrey Nuna და REI AMI ასრულებენ, გამოგონილი გოგონათა ჯგუფ HUNTR/X-ის წევრები, რომელთაც შვიდ თვეზე ნაკლებ დროში Youtube-ზე მილიარდ ნახვას გადააჭარბეს. ეს KPop Demon Hunters-ის პირველი ტრეკია, რომელმაც ივნისში ფილმის Netflix-ზე გამოსვლის შემდეგ დიდ წარმატებას მიაღწია. აღსანიშნავია, რომ YouTube-ის მონაცემებით, სიმღერები: Soda Pop, Your Idol, How It’s Done, TAKEDOWN, What It Sounds Like და Free ასევე აქტიურად მიიწევენ წინ აშშ-სა და გლობალურ ჩარტებში.
Golden ამ კვირაში მხოლოდ YouTube-ის „მილიარდ ნახვათა კლუბში“ დიდი მიღწევით არ შემოიფარგლა, სიმღერამ 11 იანვარს Golden Globe Awards-ზე საუკეთესო ორიგინალური სიმღერის ჯილდოც მოიპოვა. ტრეკმა Billboard Hot 100-ის პირველ ადგილზე რვა კვირა გაატარა და Billboard-ის 2025 წლის საუკეთესო სიმღერების სიაში ლიდერად დასახელდა.
„ეს ოცნების ახდენაა, ვიყო იმ სიმღერის ნაწილი, რომელიც სხვა გოგოებს, ბიჭებს და ყველა ასაკის ადამიანს სირთულეების გამკლავებაში ეხმარება, რათა მიიღონ საკუთარი თავი ისეთი, როგორიც თავად არიან. ეს ჯილდო იმ ადამიანებს ეძღვნება, ვისაც ცხოვრებაში კარები დაუხურეს. დარწმუნებით შემიძლია ვთქვა: არასდროსაა გვიან, რომ იბრწყინო, რადგან შენ ამისთვის დაიბადე.” – თქვა EJAE-მ, სიმღერის თანაავტორმა, ცერემონიაზე სიტყვით გამოსვლისას.
ნახეთ Golden-ის მუსიკალური ვიდეო:
