ჰარი სტაილსი მეოთხე სტუდიურ ალბომს გამოსცემს, რომელიც გასულ კვირას დააანონსა. „ბილბორდის” Pop Shop Podcast-ის ახალ ეპიზოდში კეიტი და კითი სწორედ მუსიკოსის ახალ ჩანაწერზე საუბრობენ, რომელის გამოსვლაც 6 მარტსაა დაგეგმილი და რომლის პირველი სინგლი Aperture ხუთშაბათს გამოვა.
შესაძლოა თუ არა, რომ სტაილსი გრემიზე მომავალი პროექტის შესასრულებლად და დასარეკლამებლად გამოჩნდეს? და უნდა ველოდოთ თუ არა ისეთსავე მყისიერ წარმატებას, როგორიც მის წინა ალბომს, Harry’s House-სხვდა წილად, რომლის წამყვანი სინგლიც As It Was 15 კვირის განმავლობაში ლიდერობდა Billboard Hot 100-ში?
მოუსმინეთ პოდკასტს:
შოუში ასევე განვიხილავთ ჩარტების სიახლეებს: ზაკ ბრაიანის ახალ ალბომს With Heaven On Top დებიუტი აქვს Billboard 200-ის ლიდერ პოზიციაზე, ბრუნო მარსის ბოლო სინგლი I Just Might კი Hot 100-ის პირველ ადგილს იკავებს. ამასთანავე, ხმაურიანი ახალგაზრდა მომღერალი სიენა სპირო პირველად შედის Hot 100-ის ტოპ 40-ში სიმღერით Die on This Hill. ამასობაში კი ჰარი სტაილსის ახალი ალბომის შესახებ გავრცელებულმა ინფორმაციამ მისი Harry’s House ერთი წლის შემდეგ პირველად დააბრუნა Billboard 200-ში.
The Billboard Pop Shop Podcast „ბილბორდის” ყოველკვირეული ჩარტების გარშემო არსებული პოპინფორმაციის ერთიანი სივრცეა. აქ დაგხვდებათ ცოცხალი დისკუსია პოპის ახალ ამბებზე, ჩარტების საინტერესო სტატისტიკებსა და ისტორიებზე, ახალ მუსიკაზე, ასევე სტუმრების ინტერვიუები მუსიკალურ ვარსკვლავებსა და პოპის სამყაროს წარმომაგდენლებთან. პოდკასტს უძღვებიან „ბილბორდის” აღმასრულებელი დირექტორი კეიტი ატკინსონი და „ბილბორდის” მმართველი დირექტორი ჩარტებისა და მონაცემების ოპერაციების მიმართულებით კით კოლფილდი. ყოველკვირეული პოდკასტი Billboard.com-სა და Apple Podcasts-ზე ისტრიმება.
