50 Cent-მა ხელოვნური ინტელექტის გამოყენებით შექმნილი ვიდეო გააზიარა, რომელშიც ნობელის მშვიდობის პრემიის ცერემონიის ალტერნატიული ვერსიაა ასახული. ვიდეოში მოხვდნენ მისი ცნობილი მეგობრები და მტრები ჰიპ-ჰოპის სამყაროდან.
ხელოვნური ინტელექტის მიერ გენერირებულ ვიდეოში 50 Cent სცენაზე ავიდა და თქვა: „მინდა, მადლობა ვუთხრა ყველას, ვისაც არ ვაპატიე. ამის გარეშე ვერ მოხერხდებოდა.“
ვიდეოში ჩანან ტონი იაიო, Dr. Dre, ემინემი, Snoop Dogg და Ye, რომელიც ნიღბითაა და კუთხეში შეუმჩნევლად ზის. შემდეგ სცენა იცვლება და კადრში ციხის საერთო ოთახია, სადაც Diddy ჩნდება, რომელიც 50 Cent-ის სამადლობელ სიტყვას უსმენს. „დღეს ღიმილი ნიშნავს, რომ ყველაფერი დასრულებულია,” – ამბობს ყალბ ვიდეოში 50 Cent.
ვიდეო, რომლის ავტორი ბარდ სოკოლია (Bardh Sokoli), სოციალურ ქსელებში ვრცელდებოდა და საბოლოოდ 50-ის ყურადღებაც მიიქცია. „ვინ შექმნა ეს? მომწონს,“ – დაწერა პოსტზე რეპერმა.
50 Cent-მა Diddy-ს დასაცინად Super Bowl-ის პლატფორმაც გამოიყენა, როცა DoorDash–თან ერთად კამპანიაში გამოჩნდა.
