28 თებერვალს თბილისში ცნობილი ბელგიელი დიჯეი და პროდიუსერი ამელი ლანსი დაუკრავს. ღონისძიება „მონო ჰოლისა” და Boom Boom Booking Agency-ს ორგანიზებით Radio City (District 4)-ში გაიმართება. მსმენელის წინაშე ასევე წარდგებიან: Mtvare, Jino Dollini და Dali.
ამელი ლანსი ტექნო მუსიკის საერთაშორისო სცენის ერთ-ერთ ყველაზე გავლენიან დიჯეიდ მიიჩნევა. ყოფილმა მოდელმა 2014 წელს სამოდელო კარიერას თავი დაანება და სრულად მუსიკაზე გადაერთო. მის ჟღერადობას აღწერენ, როგორც „ძალიან ენერგეტიკულ ტექნოს”. ინტენსიურ და ენერგიით სავსე მუსიკაში ის სხვადასხვა განწყობასა და ეპოქას აერთიანებს და ერთგვარ ხიდს წარმოქმნის ძველსა და ახალს შორის.
ამელი ლანსი არაერთი პრესტიჟული ჯილდოს მფლობელი და ნომინანტია. მას დაუკრავს ისეთ წამყვან ფესტივალებზე, როგორებიცაა Tomorrowland და Awakenings. 2018 წელს დააარსა საკუთარი ლეიბლი Lenske. მიმდინარე წელს კი წარადგინა ვიზუალური შოუ AURA, რომელსაც 12 000-ზე მეტი ადამიანი დაესწრო.
ბილეთების შეძენა შეგიძლიათ ბმულზე.
