27 და 28 მარტს Tatuza Jazz Club-ის სცენას ესპანური ჯაზის ცნობილი ვარსკვლავი ვინსენ გარსია დაიკავებს.
ვინსენ გარსია თანამედროვე ჯაზისა და ფანკის ერთ-ერთი ყველაზე გამორჩეული ბასისტია და ენერგიული შესრულების სტილითა და თანამედროვე ჟღერადობით ხასიათდება. გარსია მუსიკალურ ოჯახში დაიბადა: მისი დედა ვოკალისტი იყო, მამა კი – ტრომპეტისტი. ხელოვანმა ბასზე დაკვრა სკოლის ბენდში დაიწყო და თვითნასწავლ მუსიკოსად ჩამოყალიბდა. ვინსენ გარსია სტრიმინგ პლატფორმებზე ერთ-ერთი ყველაზე მოსმენადი ბასისტია – მას ასიათასობით გამომწერი და მილიონობით ნახვა აქვს. ის ჟანრის ერთ-ერთ ყველაზე გავლენიან არტისტად ითვლება: გამოსულა ისეთ ფესტივალებზე, როგორებიცაა Montreux Jazz Festival (შვეიცარია), North Sea Jazz Festival (ნიდერლანდები) და Pori Jazz Festival (ფინეთი).
მისმა სადებიუტო ალბომმა – Ventura განსაკუთრებულად დადებითი გამოხმაურება დაიმსახურა. არტისტმა მეორე ალბომი – Vivace 2026 წლის იანვარში წარადგინა. ალბომის გამოცემის შემდეგ კი მან მსოფლიო ტურნე დაიწყო, რომელიც ყველა კონტინენტს მოიცავს.
Tatuza Jazz Club-ში ვინსენ გარსია ორ საღამოს გამართავს. დაანონსებული მუსიკალური საღამოების შესახებ დეტალური ინფორმაცია იხილეთ ბმულზე. ბილეთების შესაძენას ეწვიეთ tkt.ge-ს ვებ-გვერდს.
მოუსმინეთ ვინსენ გარსიას უახლეს ალბომს:
