საფრანგეთის სიდიდით მეორე ქალაქის, მარსელის მერს რეპერის ქალაქში ნახვა არ სურს. მას შემდეგ, რაც უესტმა 11 ივნისის კონცერტი დააანონსა, პეიანი მუსიკოსის ჩამოსვლას ღიად შეეწინაღმდეგა.
სოციალურ ქსელში გავრცელებულ განცხადებაში ის წერს: „უარს ვამბობ, მარსელი იქცეს პლატფორმად მათთვის, ვინც სიძულვილსა და უპატიებელ ნაციზმს ავრცელებს. კანიე უესტს არ მივესალმებით ველოდრომზე – ეს ჩვენი და ყველა მარსელელის ერთად ცხოვრების ტაძარია.”
პეიანი არ არის ერთადერთი, რომელიც უესტის მარსელში ჩასვლის წინააღმდეგია. საფრანგეთის ებრაული ინსტიტუტის წარმომადგენელი ფიქრობს, რომ იმ ადამიანის მიღება, რომელიც ჰიტლერს აღიარებს, მორალურ კითხვებს წარმოშობს.”
მანამდე უესტს ავსტრალიური ვიზა გაუუქმეს, ბრაზილიაში კი დაუყოვნებლივი დაპატიმრებით დაემუქრნენ.
ბოლო წლებში კანიემ არაერთი რასისტული და ანტისემიტური განცხადება გააკეთა. მან ასევე დაიწყო სვასტიკის ემბლემიანი მაისურების გაყიდვა და გამოსცა სიმღერა Heil Hitler, სადაც ნაცისტების ლიდერს აქებს.
2026 წლის იანვარში რეპერმა საჯარო წერილით ბოდიში მოიხადა. მან აღნიშნა, რომ რეალობასთან კავშირი დაკარგა და მისი საქციელი ბიპოლარული აშლილობის დიაგნოზს მიაწერა.
