Charlie Puth ბოლო პერიოდში საკმაოდ დაკავებულია. პოპმომღერალი და კომპოზიტორი ცოტა ხნის წინ მამა გახდა. გასულ თვეს მან Levi’s Stadium-ზე Super Bowl LX ამერიკის ჰიმნით გახსნა. დღეს, 27 მარტს კი მისი მეოთხე სტუდიური ალბომი, სახელწოდებით Whatever’s Clever! – Atlantic Records-ის მეშვეობით გამოვიდა.
„ამ ალბომის შესაქმნელად საკუთარ თავში ღრმად ჩახედვა დამჭირდა. ვმღერი იმ თემებზე, რაზეც აქამდე არასდროს მიმღერია. მსმენელი ჩემს მუსიკას უფრო იცნობდა, ვიდრე უშუალოდ მე, რადგან მათ ამის შანსს არ ვაძლევდი. ეს ალბომი კი სწორედ ის შანსია, რომ უკეთ გამიცნონ.” – ამბობს არტისტი ახალ ალბომზე. Charlie Puth-ის მიზანი იყო შეექმნა „მდიდარი, თბილი და მასშტაბური ჟღერადობის ჩანაწერი“. ამ ჩანაფიქრის განსახორციელებლად მან პროდიუსერ BloodPop-თან ითანამშრომლა, რომელმაც Charlie Puth-ს ურჩია „გამოეყენებინა ისეთი ჟღერადობა, რომელსაც აქამდე არ შეხებია, დაეწერა ისეთი სიმღერები, რომლებიც წარსულში მისთვის, შესაძლოა, დისკომფორტსაც კი ქმნიდა.”
ალბომში არაერთი ცნობილი არტისტი მონაწილეობს: მაიკლ მაკდონალდი და კენი ლოგინსი, რომლებმაც წვლილი შეიტანეს ე.წ. Yacht Rock სტილის სიმღერაში – Love In Exile. მასში აგრეთვე მონაწილეობს მსახიობი ჯეფ გოლდბლუმი, რომლის მონოლოგიც სიმღერის Until It Happens To You-ის ტექსტში ჟღერს, ასევე Kenny G (Cry), რეივენ ლენეს (New Jersey) და ჰიკარუ უტადას (Home).
Charlie Puth 26 მარტს კვლავ გამოჩნდა ტელეეკრანებზე, მან მონაწილეობა მიიღო გადაცემაში Jimmy Kimmel Live!, სადაც კოკო ჯონსთან ერთად ახალი ალბომიდან სიმღერა Sideways შეასრულა. მისი მსოფლიო ტურნე WHATEVER’S CLEVER! 22 აპრილს სან-დიეგოს Viejas Arena-დან აიღებს სტარტს, ივნისსა და ივლისში კი კონცერტები ევროპაში გაგრძელდება.
Charlie Puth-ის კარიერული მაჩვენებლები საკმაოდ შთამბეჭდავია: მისი მუსიკის ე.წ. სტრიმინგი 35 მილიარდს აჭარბებს. არტისტს არაერთი ჯილდო აქვს მიღებული, მათ შორის: ცხრა მულტიპლატინის სტატუსის მქონე სინგლი, „გრემის“ ოთხი ნომინაცია, Billboard Music Awards-ის სამი ჯილდო, ასევე Critics’ Choice Awards-ის პრიზი და „ოქრის გლობუსის” ნომინაცია.
„სასაცილო ისაა, რომ ამ 12 სიმღერიდან არცერთს არ მივიჩნევ ჭკვიანურად, მე მათ უბრალოდ ნამდვილს ვუწოდებ“, – განუცხადა Charlie Puth-მა ტომას მიერს ლოს-ანჯელესის Blue Note Jazz Club-ში ინტერვიუს დროს. მისივე თქმით Whatever’s Clever! თავისი არსით ჯაზური და „წარმოუდგენლად გულწრფელია“.
მოისმინეთ Charlie Puth-ის ალბომი Whatever’s Clever:
