მუსიკოსი Nini Iris მალე ახალ EP-ის გამოსცემს. ალბომში შევა ქართულენოვანი სიმღერა, სახელწოდებით „გისმენ”, რომელიც კვარტეტთან ერთად ჩაიწერა. სიმღერის პროდიუსერი გიორგი სანოძეა, ხოლო ხმების არანჟირებაზე დავით გოგოლაშვილმა იმუშავა. როგორც Nini Iris-ის მენეჯერმა, მარი შარმანმა Billboard Georgia-სთან საუბრისას აღნიშნა, სიმღერის აკუსტიკური ვერსია საქართველოს საზოგადოებრივი მაუწყებლის გადაცემა „აკუსტიკისთვის” ჩაიწერა და ცოცხალი შესრულების ვიდეოს მაყურებელი გადაცემაში მალე იხილავს.
Nini Iris ქართველი მუსიკოსია, რომელიც ამჟამად შეერთებულ შტატებში ცხოვრობს. ის არის პირველი ქართველი მუსიკოსი, რომელმაც ამერიკულ The Voice-ში მიიღო მონაწილეობა და ნახევარფინალშიც მოხვდა.
