ვინსენ გარსია Tatuza Jazz Club-ის სცენაზე

სანამ ვინსენ გარსია სცენაზე ავიდოდა, Billboard Georgia-მ მასთან ინტერვიუ ჩაწერა.
ვინსენ გარსია
ფოტო: ნინუცა კაკაბაძე/Billboard Georgia

27 და 28 მარტს Tatuza Jazz Club-ის სცენა ესპანური ჯაზის გამორჩეულმა ვარსკვლავმა, ვინსენ გარსიამ დაიკავა. ორდღიანი კონცერტის ფარგლებში მუსიკოსმა მსმენელს თანამედროვე ჯაზისა და ფანკის სინთეზი, მისთვის დამახასიათებელი ენერგიული შესრულება და უნიკალური ჟღერადობა გაუზიარა.

ვინსენ გარსია მუსიკალურ პლატფორმებზე ერთ-ერთი ყველაზე მოთხოვნადი ბასისტია, მილიონობით სტრიმით და ასიათასობით გამომწერით. ის უკრავდა ისეთ ფესტივალებზე, როგორებიცაა Montreux Jazz Festival (შვეიცარია), North Sea Jazz Festival (ნიდერლანდები) და Pori Jazz Festival (ფინეთი).

სანამ ვინსენ გარსია სცენაზე ავიდოდა, Billboard Georgia-მ მასთან ინტერვიუ ჩაწერა. მუსიკოსმა გაგვიზიარა თავისი შთაბეჭდილებები თბილისის აუდიტორიაზე, იმ განსაკუთრებულ კავშირზე, რომელიც პერფორმანსის დროს იქმნება და გარემოზე, რომელიც Tatuza Jazz Club-ს გამოარჩევს:

„იცით, როგორ ხდება? თავიდან ხალხი ზის, სივრცეს აკვირდება… თუმცა შოუს შუა ნაწილიდან ტემპი ყოველთვის მატულობს. ჩვენი მუსიკა ჯაზია, მაგრამ მასში ბევრი ფანკი, ფიუჟენი და როკის ელემენტებიცაა. საბოლოოდ, ხალხი ფეხზე დგება და საღამო ენერგიულ შოუდ იქცევა,” – ამბობს ვინსენ გარსია. 

ვინსენ გარსია
ფოტო: ნინუცა კაკაბაძე/Billboard Georgia

Tatuza Jazz Club-ის შოუები მისი მსოფლიო ტურნეს ნაწილი გახდა, რომელიც მუსიკოსმა 2026 წლის იანვარში, ახალი ალბომის – Vivace-ის გამოცემის შემდეგ დაიწყო. სადებიუტო ნამუშევრის – Ventura-ს მსგავსად, ახალმა ალბომმაც კრიტიკოსებისა და მსმენელების დადებითი შეფასებები დაიმსახურა.

Billboard Georgia-სთან საუბრისას ვინსენ გარსიამ აღნიშნა, რომ ახალი ალბომის შთაგონების წყარო მისი 2025 წლის ტურნე გახდა. 

„პირველი ალბომის შემთხვევაში უფრო მეტი დრო მქონდა ფიქრისთვის და ბოლომდე არ ვიცოდი, ზუსტად რისი გაკეთება მინდოდა. ამ ალბომზე მუშაობისას კი უკვე ნათლად მქონდა წარმოდგენილი, როგორი კომპოზიციები უნდა დამეწერა. ეს არის ფანკის, ფიუჟენისა და ჯაზის მიქსი. ძალიან ბედნიერი ვარ ჩემი ბენდით – ლაივ შესრულებისას კომპოზიციებს უფრო თანამედროვე ჟღერადობას ვაძლევთ. კონცეფცია მარტივია: ფანკი, ენერგია და საკუთარი თავის გამოხატვა.”

ვინსენ გარსია
ფოტო: ნინუცა კაკაბაძე/Billboard Georgia

ვინსენ გარსიას თქმით, Tatuza Jazz Club-ის სცენაზე გამართული მუსიკალური შოუს განსაკუთრებულობას თავად სივრცე მნიშვნელოვნად განსაზღვრავს:

„Tatuza Jazz Club მართლაც მშვენიერი ადგილია და შესანიშნავი აკუსტიკა აქვს. ძალიან მიყვარს ისეთი სივრცეები, სადაც ხალხს შეგიძლია მოუწოდო, რომ წამოდგნენ, იცეკვონ, მუსიკას ენერგიულად აყვნენ. აქ ისეთი გარემოა, რომ ხედავ, ადამიანები როგორ უსმენენ მუსიკას, როგორ სიამოვნებთ შოუ. ძალიან მიყვარს ხალხისთვის თვალებში ყურება. ვფიქრობ, როცა ლაივში უკრავ, მხოლოდ ინსტრუმენტზე არ უნდა იყო ფოკუსირებული. რა თქმა უნდა, ინსტრუმენტზე დაკვრა და მისი ფლობა აუცილებელია, მაგრამ ხალხთან კავშირი უმნიშვნელოვანესია. უნდა გრძნობდე, გაქვთ თუ არა მსმენელს და შენ ემოციური და ენერგეტიკული კავშირი. ჩვენ გვაქვს ინსტრუმენტები და მუსიკა, მაგრამ არსებობს ფიზიკური ენერგიაც. ჩემთვის ეს კავშირი – თვალით კონტაქტი, ყველაფერია. ეს ძალიან სასიამოვნო პროცესია. სწორედ ამის შესაძლებლობას მაძლევს Tatuza Jazz Club-ის გარემო. იმედი მაქვს, აქ კიდევ ბევრჯერ დავუკრავ.”

Share
Tweet
Share
Share
Share

Leave a Reply

წინა სტატია

Nini Iris-ის მომავალ  EP-ში ქართულენოვანი სინგლი – „გისმენ” შევა

შემდეგი სტატია

ჯეიმს ბლეიკმა Ye-ს ახალი ალბომიდან თავისი სახელის ამოშლა ითხოვა

შეიძლება დაგაინტერესოთ

„ჩაწერის ერთ-ერთი საუკეთესო გამოცდილება, რაც კი შეიძლება გქონდეს“ – მაიკ მილსი R.E.M.-ის ალბომის, Reveal-ის შესახებ საუბრობს

საიუბილეო დელუქს გამოცემა მოიცავს იმ პერიოდის აქამდე გამოუქვეყნებელ ცოცხალ კონცერტსაც.
მეტი

რობერტ გლასპერი ხსნის, რატომ არ შეუძლია ხელოვნურ ინტელექტს გაიმეოროს ის ადამიანური „შეცდომები“, რომლებიც მუსიკას ცოცხალსა და ნამდვილს ხდის

ინტერვიუს მსვლელობისას გლასპერმა სხვადასხვა არტისტთან კოლაბორაციის შესახებაც ისაუბრა.
მეტი

ბრუნო მარსი მამის გარდაცვალებას გლოვობს: „ადამიანი, რომელმაც ყველაფერი მასწავლა, რაც კი ვიცი“

„ჩემს თვალში ის მსოფლიოში საუკეთესო მამა იყო“, – დაწერა გრემის მფლობელმა მუსიკოსმა.
მეტი
პოლ მაკარტნი ტურნეს - Got Back-ის კონცერტზე, 2022 წლის 13 მაისი, კალიფორნია, ლოს-ანჯელესი, SoFi-ს სტადიონი Michael Buckner/PMC

უკრაინელი ქალებისა და ბავშვების მხარდასაჭერ საქველმოქმედო კონცერტზე Songs of Freedom პოლ მაკარტნი, ბარბრა სტრეიზანდი, შონ პენი და სხვა ვარსკვლავები მიიღებენ მონაწილეობას

კონცერტი 2027 წლის 3 თებერვალს დიდ ბრიტანეთში, მანჩესტერში, Co-op Live-ის არენაზე გაიმართება.
მეტი

რიანამ და დუა ლიპამ ბრილიანტისა და პლატინის სერტიფიკატების მთელი წყება მოიპოვეს 

ლიპას 2020 წლის ალბომის, Future Nostalgia-ს მთავარი ჰიტი მის კარიერაში პირველი სიმღერაა, რომელმაც ბრილიანტის სერტიფიკატი მიიღო.
მეტი
LISA ფილმიდან Always Lalisa სიმღერა Leave With Me LLOUD/ YouTube

LISA-მ ფილმიდან Always Lalisa ახალი ემოციური სინგლი Leave With Me  წარადგინა

ნელი, მელოდიური ბალადა დოკუმენტური ფილმის ტიტრების ფონზე ჟღერს. ფილმის ნახვა ექსკლუზიურად YouTube Premium-ზეა შესაძლებელი.
მეტი
wayward.atom ფოტო: ნინუცა კაკაბაძე

ქართული ელექტრონული მუსიკა საერთაშორისო სცენაზე – wayward.atom-ის გამოცდილება Sonica Glasgow-ზე და სამომავლო გეგმები

თბილისსა და გლაზგოს შორის ახალი კულტურული ხიდი შენდება - 2027 წელს საქართველო ექსპერიმენტული მუსიკის მასშტაბურ შოუქეისს უმასპინძლებს.
მეტი