ნინი ნუცუბიძის ახალი ალბომი

ნინი ნუცუბიძემ ახალი ალბომი გამოსცა. ჩანაწერი, სახელწოდებით IN MY D.N.A პირველ აპრილს Break Records-ის ლეიბლზე გამოვიდა. 

პროექტზე მუშაობა ერთი წლის განმავლობაში მიმდინარეობდა. აღწერაში ვკითხულობთ, რომ მასში გაერთიანებულია სხვადასხვა ჟანრის გავლენები და ის ემოციური გზა, რომელიც არტისტმა ბოლო პერიოდში გაიარა. ალბომი ნინის მუსიკალური იდენტობის მრავალფეროვანი და სიღრმისეული გამოხატვაა. 

პროექტის პროდიუსერები არიან თავად ნინი ნუცუბიძე და ნიკალა ზუბიაშვილი. მასში მონაწილეობენ მუსიკოსები: Janngo, გიორგი ცაგარელი, გიორგი გიგაშვილი და ნიუ-იორკში მოღვაწე არტისტი  Yo OG.

ჩანაწერში შესულია ნინისა და Janngo-ს ცნობილი სიმღერა The Moon, რომლის გაორკესტრება ნიკოლოზ რაჭველს ეკუთვნის. 

ალბომის უკვე გამოსულ სინგლებს შორისაა Vghelav და Mdevari, რომელიც აერთიანებს Skazz-ის „მდევარსა“ და Vinda & Eko-ს Therapy-ს, თუმცა ჟანრობრივად სრულიად განსხვავდება ორიგინალი ვერსიებისგან. ნამუშევარი გამოირჩევა იმითაც, რომ მასში  გიორგი ცაგარელი და მისი კამერული ორკესტრი მონაწილეობენ. 

IN MY D.N.A-ს საპრეზენტაციო კონცერტი 18 აპრილს Tatuza Jazz Club-ში გაიმართება. შემოდგომაზე კი მასშტაბური კონცერტი იგეგმება, სადაც არტისტი მსმენელის წინაშე ორკესტრთან ერთად წარდგება. 

მოუსმინეთ ალბომს: