Tatuza Jazz Club აპრილის პროგრამას აქვეყნებს და მსმენელს კვლავ დატვირთულ და მრავალფეროვან პროგრამას სთავაზობს.
ტრადიციულად, განახლდება კლუბის თვის რეზიდენტი ბენდი, რომლის ადგილსაც ამჯერად პერე ნავაროს ტრიო დაიკავებს. ბენდი Tatuza-ს სცენაზე ჯამში 15 კონცერტს გამართავს.
პერე ნავარო ცნობილი ესპანელი მესაყვირე, პიანისტი, კომპოზიტორი და დიჯეია, რომელიც ესპანური ჯაზის ერთ-ერთ გამორჩეულ ტალანტად მიიჩნევა. ნავაროს გამოცემული აქვს სამი ალბომი. მისი მესამე ჩანაწერი QUINTESSENTIAL კატალონიურმა ჟურნალმა Enderrock წლის ალბომად დაასახელა.
პერე ნავაროს ტრიოში ასევე უკრავენ: ხესუს ბასტიასი – ელექტრო ბასი, გიტარა და ალან ლადრონ დე გევარა – დრამი, FX.
მოწვეული სტუმრების გარდა, Tatuza, ტრადიციულად, სცენას უთმობს ქართველ არტისტებსაც. მსმენელის წინაშე წარდგებიან ირაკლი ჭოლაძის, ბექა გოჩიაშვილისა და ზურა რამიშვილის კვარტეტები. 23 აპრილს კი ჯაზკლუბში ნინო ქათამაძის კონცერტი გაიმართება. აპრილის თვის კონცერტების სერიას 29 აპრილს ანა ჟორდანიას კვარტეტი დაასრულებს.
ბილეთები შეიძინეთ ბმულზე.
