ნახეთ როსალიას სრული სიტყვა “ბილბორდის” 2026 წლის Latin Women in Music-ის დაჯილდოებაზე, სადაც ის წლის ქალად დასახელდა

„ძალიან მინდა, ადამიანებს ეშინოდეთ იმ ქალების, რომლებიც ჩემს სიმღერებს უსმენენ.”
როსალია

როსალია წლის ქალის ჯილდოს მფლობელი გახდა „ბილბორდის” 2026 წლის Latin Women in Music-ის ცერემონიაზე. მომღერალმა ღონისძიებაზე დასწრება ვერ შეძლო, რადგან LUX ტურნეში იმყოფება, თუმცა სამადლობელი სიტყვა ღონისძიებაზე მან ვიდეოს სახით გაგზავნა. 

ავტორ-შემსრულებელი აღიარებული იქნა, როგორც თავისი თაობის ერთ-ერთი ყველაზე გავლენიანი ხმა, მისი წარმატების, ლიდერობისა და კულტურული გავლენის დამსახურებით. „როსალია მუდმივად სცდება ესპანურენოვანი მუსიკის საზღვრებს, ტრადიციას თამამ ინოვაციასთან აერთიანებს და ხიბლავს აუდიტორიას მთელი მსოფლიოს გარშემო,” – ნათქვამია განცხადებაში, რომელიც მაშინ გავრცელდა, როცა ცნობილი გახდა, რომ წლის ქალის ტიტული სწორედ როსალიას გადაეცემოდა. „ბოლო ალბომი LUX კიდევ ერთხელ ამყარებს მის კულტურული ძალის სტატუსს, იწვევს გლობალურ დისკუსიას და ამტკიცებს როსალიას, როგორც პროგრესულად მოაზროვნე შემოქმედებითი ლიდერის რეპუტაციას.”

Latin Women in Music-ის გასულ გამოშვებებში წლის ქალის ჯილდო მიღებული აქვთ შაკირას, კეროლ ჯისა და სელენა გომესს. 

ტრანსლაციის დროს არტისტმა წარმოადგინა Focu’ranni-ს ვიდეოკლიპი, რომელიც თვის დასაწყისში, ტურნეს დროს მადრიდში ჩაიწერა. კლიპში ის თეთრ გედს განასახიერებს და ათამდე მოცეკვავე ახლავს თან. ცერემონიაზე ასევე გადაიცა მისი სამადლობელი სიტყვა, რომელსაც სრულად გთავაზობთ:  

„გამარჯობა, ბილბორდ! იმედი მაქვს, ღონისძიება შესანიშნავად მიმდინარეობს. ამჟამად ტურნეში ვარ, რის გამოც ცერემონიაზე დასწრება არ შემიძლია, მაგრამ დიდ მადლობას გიხდით ამ აღიარებისთვის. ამ ჯილდოს მიღება წარმოუდგენელი პატივია. მე არ ვიქნებოდი ის, ვინც ვარ, ყველა იმ ქალის გარეშე, ვიზეც წამიკითხავს, ვისთვისაც მომისმენია და ვისაც შევხვედრივარ. ასე რომ, მინდა, სამყაროსთვის ღია დავრჩე და განვაგრძო სწავლა იმ ადამიანებისგან, ვინც ჩემთვის მნიშვნელოვანია.

მინდა, მადლობა გადავუხადო დედაჩემს, პილარს, ვინც სიცოცხლე მაჩუქა. ლოლის მხოლოდ იმისთვის, რომ არსებობს. ალექსას და კარლოტას, რომლებიც ყოველთვის ახერხებენ ჩემ გაცინებას და ყოველთვის ჩემ გვერდით არიან. მადლობა ჯოდის, სემს, ჯენს და ვივიენს, რომ ყოველთვის მხარს მიჭერენ. მადლობა შენ, რებეკა, რომ ჩემი გჯერა. და მადლობა მთელ ჩემს გუნდს, რომლებიც ქალებისგან შედგება. მადლობა თქვენ, კეროლაინ და ანჟელიკა, რომ ხართ LUX-ის ნაწილი. პატს (პატი სმითი) და ბიორკს, რომ ყოველთვის შთამაგონებენ. და კიდევ უამრავ სხვას – შეიძლება სიტყვა დაუსრულებლად გავაგრძელო.

ალექსანდრ მაკქუინმა ერთხელ თქვა: ‘მინდა, რომ ადამიანებს ეშინოდეთ იმ ქალების, რომელთაც მე ვაცვამ.’ ალბათ სწორედ ეს იქნება ჩემი ერთ-ერთი ყველაზე დიდი სურვილი. მე მინდა, რომ ადამიანებს ეშინოდეთ იმ ქალების, რომლებიც ჩემს სიმღერებს უსმენენ. იმედი მაქვს ისინი ყოველთვის იგრძნობენ თავს თავისუფლებად და შეუჩერებლებად, რადგან ისინი სწორედ ასეთები არიან.

და მადლობა ბილბორდს, რომ განაგრძობს ქალების მხარდაჭერას. იმედი მაქვს ერთმანეთს მალე შევხვდებით. დიდ სიყვარულს ვუგზავნი ყველას, ვინც ცერემონიას ესწრება. იმედი მაქვს, ბოლომდე ისიამოვნებთ. გკოცნით.”

Share
Tweet
Share
Share
Share

Leave a Reply

წინა სტატია

„ნიჭიერთა ათწლედი” ჯაზის საერთაშორისო დღეს აღნიშნავს

შემდეგი სტატია

Foo Fighters Elizabeth Miranda

Foo Fighters-მა ახალი ალბომი Your Favorite Toy წარადგინა

შეიძლება დაგაინტერესოთ

„ჩაწერის ერთ-ერთი საუკეთესო გამოცდილება, რაც კი შეიძლება გქონდეს“ – მაიკ მილსი R.E.M.-ის ალბომის, Reveal-ის შესახებ საუბრობს

საიუბილეო დელუქს გამოცემა მოიცავს იმ პერიოდის აქამდე გამოუქვეყნებელ ცოცხალ კონცერტსაც.
მეტი

რობერტ გლასპერი ხსნის, რატომ არ შეუძლია ხელოვნურ ინტელექტს გაიმეოროს ის ადამიანური „შეცდომები“, რომლებიც მუსიკას ცოცხალსა და ნამდვილს ხდის

ინტერვიუს მსვლელობისას გლასპერმა სხვადასხვა არტისტთან კოლაბორაციის შესახებაც ისაუბრა.
მეტი

ბრუნო მარსი მამის გარდაცვალებას გლოვობს: „ადამიანი, რომელმაც ყველაფერი მასწავლა, რაც კი ვიცი“

„ჩემს თვალში ის მსოფლიოში საუკეთესო მამა იყო“, – დაწერა გრემის მფლობელმა მუსიკოსმა.
მეტი
პოლ მაკარტნი ტურნეს - Got Back-ის კონცერტზე, 2022 წლის 13 მაისი, კალიფორნია, ლოს-ანჯელესი, SoFi-ს სტადიონი Michael Buckner/PMC

უკრაინელი ქალებისა და ბავშვების მხარდასაჭერ საქველმოქმედო კონცერტზე Songs of Freedom პოლ მაკარტნი, ბარბრა სტრეიზანდი, შონ პენი და სხვა ვარსკვლავები მიიღებენ მონაწილეობას

კონცერტი 2027 წლის 3 თებერვალს დიდ ბრიტანეთში, მანჩესტერში, Co-op Live-ის არენაზე გაიმართება.
მეტი

რიანამ და დუა ლიპამ ბრილიანტისა და პლატინის სერტიფიკატების მთელი წყება მოიპოვეს 

ლიპას 2020 წლის ალბომის, Future Nostalgia-ს მთავარი ჰიტი მის კარიერაში პირველი სიმღერაა, რომელმაც ბრილიანტის სერტიფიკატი მიიღო.
მეტი
LISA ფილმიდან Always Lalisa სიმღერა Leave With Me LLOUD/ YouTube

LISA-მ ფილმიდან Always Lalisa ახალი ემოციური სინგლი Leave With Me  წარადგინა

ნელი, მელოდიური ბალადა დოკუმენტური ფილმის ტიტრების ფონზე ჟღერს. ფილმის ნახვა ექსკლუზიურად YouTube Premium-ზეა შესაძლებელი.
მეტი
wayward.atom ფოტო: ნინუცა კაკაბაძე

ქართული ელექტრონული მუსიკა საერთაშორისო სცენაზე – wayward.atom-ის გამოცდილება Sonica Glasgow-ზე და სამომავლო გეგმები

თბილისსა და გლაზგოს შორის ახალი კულტურული ხიდი შენდება - 2027 წელს საქართველო ექსპერიმენტული მუსიკის მასშტაბურ შოუქეისს უმასპინძლებს.
მეტი