12 ივნისს კანიე უესტი (Ye) საქართველოს ეწვევა. მუსიკალური შოუ თბილისში, „დინამო არენაზე“, პროექტ Starring Georgia-ს ფარგლებში გაიმართება.
კონცერტზე დასასწრები ბილეთების წინასწარი გაყიდვა 11 მაისს დაიწყო. ინტერესი იმდენად მაღალი აღმოჩნდა, რომ ე.წ. Pre Sale-ისთვის გამოყოფილი ბილეთები სულ რაღაც 5 საათსა და 30 წუთში სრულად ამოიწურა.
მათთვის, ვინც წინასწარი გაყიდვებით სარგებლობა ვერ მოასწრო, სტანდარტული გაყიდვები 12 მაისს, 12:00 საათიდან tkt.ge-ზე დაიწყება.
შეგახსენებთ, რომ პრესეილის ფარგლებში ბილეთები მხოლოდ „თიბისი ბანკის“ ბარათით იყო ხელმისაწვდომი, 12 მაისიდან კი მათი შეძენა ნებისმიერი ბანკის მომხმარებელს შეეძლება.
