პოპის დედოფალი და სამხრეთკორეელი სუპერვარსკვლავი DJ Peggy Goy ალბომ Confessions II-ის მთავარი სინგლის, I feel so Free-ს ენერგიული ვერსიის შესაქმნელად გაერთიანდნენ.
ამ ვერსიას 80-იანი წლების ნოსტალგიური ელფერი დაჰკრავს, რომელიც სავსეა დამაინტრიგებელი ბითებით, ხმაურით და სინთ-ბასის ხაზით.
Confessions II Madonna-ს მე-15 სტუდიური ალბომია, რომელიც მისი 2005 წლის კლასიკური ნამუშევრის, Confessions On a Dancefloor-ის ერთგვარი გაგრძელებაა. ამ ალბომმა 2007 წელს საუკეთესო საცეკვაო/ელექტრონული ალბომის ნომინაციაში გრემი მოიპოვა. აღსანიშნავია რომ ახალ პროექტზე Madonna-ს პირველი ალბომის პროდიუსერი სტიუარტ პრაისი მუშაობდა.
I Feel So Free-ს ორიგინალი ვერსია, რომელიც 17 აპრილს გამოვიდა, როგორც ჩანს, Confessions II-ის პირველი კომპოზიციაა. რემიქსი კი 14 მაისს, Confessions II-ის სიმღერათა სიის გამოცხადებისთანავე გამოქვეყნდა. ეს ინფორმაცია ე.წ. პარტიზანული მარკეტინგული კამპანიის საშუალებით გახდა ცნობილი, რომლის ფარგლებშიც მსოფლიოს რამდენიმე დიდ ქალაქში სპეციალური პოსტერები გამოჩნდა. ამ პოსტერებზე კი ალბომის სიმღერათა სია ასე გამოიყურება:
პირველი მხარე:
I Feel So Free
Good for the Soul
One Step Away
Bring Your Love
Danceteria
Read My Lips
მეორე მხარე:
Everything
Love Without Words
Bizarre
School
Fragile
My Sins Are My Savior
