SZA კარიერას ჰოლივუდშიც აგრძელებს და CoComelon-ის სამყაროს უერთდება. 14 მაისს გავრცელებული განცხადების თანახმად, გრემის მფლობელი მომღერალი CoComelon: The Movie-ს სამსახიობო გუნდს შეუერთდა, სადაც ის ახალ პერსონაჟს გაახმოვანებს.
ფილმის რეჟისორი ქეთ გუდი იქნება. სამსახიობო გუნდის სხვა ახალი წევრები არიან: ნიკოლას ჰოლტი, სარა შერმანი, კრისტო ფერნანდესი, აიკ ბარინჰოლცი, ეგო ნვოდიმი, ჯოშ ჯონსონი, მეტ ფრენდი და რის დარბი.
CoComelon-ის სამყაროში უკვე ნაცნობი ვარსკვლავებიც ბრუნდებიან: კემდენ ბრუკსი კოდის როლში, კონორ ესტერსონი – ჯეიჯეის (JJ), აერინა დებოერი სისის, ხოლო ოლივია ლონდონ ლეივა კვლავ ნინას როლს დაუბრუნდება.
პრესრელიზის თანახმად, ფილმი „ოჯახებს მოუწოდებს, გასცდნენ მათთვის ნაცნობ CoComelon-ის სამყაროს და გაჰყვნენ ჯეიჯეის, მის მეგობრებსა და ახალ, საინტერესო პერსონაჟებს მოგზაურობაში, რომელიც სავსეა მუსიკითა და შთამბეჭდავი მოვლენებით.”
CoComelon: The Movie-ს პრემიერა კინოთეატრებში 2027 წლის 19 თებერვალს შედგება. CoComelon თავდაპირველად 2006 წელს YouTube-ის სერიალის სახით გამოვიდა, Netflix-ზე გაშვების შემდეგ კი გლობალურ ანიმაციურ სერიალად იქცა. თუმცა საბავშვო სერიალის სალიცენზიო შეთანხმება Netflix-თან დასრულდა და 2027 წლიდან ის Disney+-ზე გადაინაცვლებს.
SZA-ს კინოსა და ტელევიზიის სფეროშიც აქვს გამოცდილება. ის 2020 წელს სერიალ Insecure-ის ერთ-ერთ ეპიზოდში გამოჩნდა, ხოლო 2025 წლის კომედიაში One of These Days მთავარ როლს კეკე პალმერთან ერთად ასრულებს.
ნახეთ SZA-ს პერსონაჟის პირველი ანიმაციური ფოტო CoComelon: The Movie-დან.
