ოლივია როდრიგომ ახალი ალბომის, You Seem Pretty Sad for a Girl So in Love-ის გამოსვლამდე, 19 მაისს, მეორე სინგლის – the Cure-ის გამოსვლა დააანონსა.
გრემის მფლობელმა არტისტმა ინსტაგრამზე ფოტო გამოაქვეყნა, რომელიც სავარაუდოდ, სიმღერის ოფიციალური ყდაა. ფოტოზე თავად მომღერალი ვარდისფერ ზედაში ჩანს, ხელები კი წითელ ძაფებში აქვს გახლართული, რომელიც სიმღერის სათაურს გამოსახავს. „The Cure ჩემი საყვარელი სიმღერაა ამ ალბომში და ერთ-ერთი რჩეული მათ შორის, რაც ოდესმე შემიქმნია,“ – დაწერა ოლივია როდრიგომ სოციალურ ქსელში.
„ერთი სული მაქვს, როდის მოუსმენთ ამ სიმღერას.” – ამბობს მომღერალი და დასძენს, რომ სიმღერა 22 მაისს გამოვა, რაც სიმბოლურად გოთების მსოფლიო დღეს (World Goth Day) ემთხვევა.
სიმღერის სათაური – The Cure, სავარაუდოდ, რობერტ სმიტის ლეგენდარული გოთ-როკ ჯგუფის, The Cure-ის პატივსაცემად არის შერჩეული, რომელიც ოლივია როდრიგოს თქმით, მისი ერთ-ერთი ფავორიტი ბენდია. სიმპათია კი ორმხრივია: რობერტ სმიტმა წარსულში საჯაროდ შეაქო ახალგაზრდა არტისტი და გასულ წელს გლასტონბერის ფესტივალზე მის გამოსვლაში მოულოდნელი სტუმრის სტატუსითაც კი წარდგა.
ოლივია როდრიგო ჯგუფ The Cure-ზე მინიშნებას თავისი მომავალი ალბომის წამყვან სინგლში, Drop Dead-შიც აკეთებს, რომლის დებიუტიც Billboard Hot 100-ის პირველ ადგილზე შედგა. „შენ ზეპირად იცი Just Like Heaven-ის ყველა სიტყვა“, – მღერის ოლივია და ხაზს უსვამს ბენდის 1987 წლის ამავე სახელწოდების ჰიტს, რომელმაც თავის დროზე Hot 100-ში მე-40 პოზიციას მიაღწია.
ოლივია როდრიგოს ახალი ალბომი You Seem Pretty Sad for a Girl So in Love 12 ივნისს გამოვა.
ნახეთ არტისტის ოფიციალური განცხადება ახალი სინგლის, The Cure-ის შესახებ:
