30 ივნისს, ალბომ 4:44-ის 9 წლის იუბილესთან დაკავშირებით, Jay-Z-იმ გულშემატკივრებს სიურპრიზი მოუმზადა და ალბომის სამი ბონუს სიმღერა ყველა სტრიმინგ პლატფორმაზე გამოაქვეყნა.
სიმღერები, რომლებშიც ჯეიმს ბლეიკი და Blue Ivy Carter მონაწილეობენ, აქამდე მხოლოდ Tidal-ზე იყო ხელმისაწვდომი.
კომპოზიცია Adnis, რომლის პროდიუსერიც ჯეიმს ბლეიკია, ერთგვარ ღია წერილს ჰგავს Jay-Z-ის მამისადმი, რომელიც 2003 წელს ღვიძლის უკმარისობით გარდაიცვალა.
Jay-Z-ის ქალიშვილი Blue Ivy კომპოზიცია Blue’s Freestyle / We Family-ში მონაწილეობს, ხოლო ჯეიმს ბლეიკი კვლავ უერთდება არტისტს სიმღერაში ManyFacedGod, სადაც Jay-Z Beyoncé-სთან ურთიერთობაზე ამახვილებს ყურადღებას. სწორედ მათი ქორწინება და ურთიერთობა წარმოადგენს ალბომ 4:44-ის ერთ-ერთ მთავარ თემას.
Jay-Z-ის ალბომი 4:44 პირველად ვინილის სახით გამოვიდა. გამოცემა JAŸ-Z: 30th Anniversary Collector’s Crate-ის ნაწილია, რომელიც მუსიკოსის 13 სოლო სტუდიურ ალბომს აერთიანებს და Roc Nation-ის ოფიციალურ ვებგვერდზე მისი შეძენა 1 500 დოლარად არის შესაძლებელი.
2017 წელს გამოსული ალბომი 4:44 დღემდე Jay-Z-ის ბოლო სოლო სტუდიურ ალბომად რჩება. პროექტი გამოსვლის პირველივე კვირაში Billboard 200-ის ჩარტის სათავეში მოექცა, ალბომის 262 000 ექვივალენტური გაყიდული ერთეულით.
Jay-Z-ის კარიერაში მნიშვნელოვანი მიღწევები არ აკლია. გასულ კვირას არტისტი პირადად დაესწრო Roc Nation-ის მიერ ბრუკლინსა და მანჰეტენზე ორგანიზებულ ე.წ. Pop-up ღონისძიებებს, რომლებიც მისი საკულტო სადებიუტო ალბომის, Reasonable Doubt-ის 30 წლისთავს მიეძღვნა.
აღსანიშნავია, რომ 10-დან 12 ივლისის ჩათვლით Jay-Z სცენაზე გრანდიოზული მოვლენით ბრუნდება, არტისტი Yankee Stadium-ზე სამ კონცერტს გამართავს.
ამასთან, HBO-მ დააანონსა Jay-Z-ზე გადაღებული დოკუმენტური სერიალი, რომლის რეჟისორიც რიკ რუბინია. ფილმი Jay-Z in 8 კინოეკრანებზე 2026 წლის შემოდგომაზე გამოვა.
მოუსმინეთ კომპოზიციებს Adnis, Blue’s Freestyle / We Family და ManyFacedGod:
