ლიკუნა თუთისანმა პირველი სინგლი გამოსცა. ახალი ამბავი მუსიკოსმა გულშემატკივარს სოციალური ქსელებით ამცნო. „ეს ჩემი პირველი სინგლია და ძალიან ბედნიერი ვარ, რომ გიზიარებთ. დიდი მადლობა ყველას, ვინც ამის განხორციელებაში დამეხმარა.”
How Long I’ve Waited For ყველა მუსიკალურ პლატფორმაზეა ხელმისაწვდომი. მუსიკისა და ტექსტის ავტორი თავად ლიკუნა თუთისანია, პროდიუსერი და გიტარის პარტიების შემსრულებელი – ლუკა ქიტიაშვილი, კლავიში – ნიკალა ზუბიაშვილი. სინგლი Break Records-ის ლეიბლზე გამოვიდა.
ლიკუნა თუთისანი ფართო აუდიტორიამ მუსიკალური კონკურსებიდან „იქს-ფაქტორი” და „ვოისი” გაიცნო. მას შემდეგ ის აქტიურად განაგრძობს სასცენო კარიერას, როგორც სოლო შემსრულებელი, ასევე საკუთარი კვინტეტის სოლისტი.
დღეს ლიკუნა თუთისანი, კვინტეტთან ერთად, Tatuza Jazz Club-ის სცენაზე წარდგება. ბილეთების შეძენა შეგიძლიათ ბმულზე.
