The Cave-მა სიმღერა „დაწყნარდი გულოს“ ალტერნატიული ვერსია გამოუშვა. ბენდის წევრების თქმით, ეს კომპოზიცია მათთვის განსაკუთრებული მნიშვნელობის მატარებელია, რადგან ის სიმბოლურად ჯგუფის შემოქმედებით გზას ასახავს.
The Cave, რომლის შემადგენლობაშიც არიან: საბა ბასიაშვილი (ვოკალი), ლადო სოფრომაძე (ბასი), კახა ასლამაზიშვილი (გიტარა) და ნოდო დანდურიშვილი (დრამი), სიმღერის ახლებურ ინტერპრეტაციას მომავალ EP-ში „სეირნი“ აერთიანებს.
„დაწყნარდი გულოს“ ალტერნატიული ვერსიის გაკეთების სურვილი დიდი ხნის განმავლობაში გვქონდა. ეს სიმღერა ჩვენი ცხოვრების განუყოფელი ნაწილი იყო და გვინდოდა, ეს ემოცია მსმენელისთვისაც გაგვეზიარებინა. ამ ნამუშევრის შექმნაში ბენდის თითოეულმა წევრმა მიიღო მონაწილეობა. ორიგინალი მუსიკისა და ტექსტის ავტორები ალექსანდრე ბასილაია და მორის ფოცხიშვილი არიან. „დაწყნარდი გულო“ ჩვენი სევდის ჰიმნია და გვიხარია, რომ ახლა ამ ემოციის გაზიარება შეგვიძლია.“
ახლებურ ვერსიაში ლეგენდარულ კომპოზიციას ბენდი საკუთარი მუსიკალური ხედვითა და ალტერნატიული როკის ჟღერადობით აცოცხლებს, რომელიც მსმენელისთვის ყველაზე მეტად ანსამბლ „ივერიის“ რეპერტუარიდან არის ცნობილი.
„დაწყნარდი გულო“ ოთხი კომპოზიციისგან შემდგარი Ep-ის პირველი ტრეკია, რომელიც, როგორც ბენდის ოფიციალურ YouTube-არხზეა აღნიშნული, ქალაქში სეირნობისას დაბადებული ემოციებით და განცდებით არის შთაგონებული.
მოისმინეთ The Cave-ის „დაწყნარდი გულო“
