მაიამი ბიჩი, ფლორიდა (22 ივლისი, 2026) – ისტორიული წარმარმატების სერიის შემდეგ – რომლის ფარგლებშიც გინესის რეკორდი დაამყარა ერთ სივრცეში ყველაზე დიდი რაოდენობის მელოტქუდებიანი ადამიანების შეკრებისთვის, იმღერა 70 000-მდე ადამიანის წინაშე სრულად გაყიდულ I Am Back ტურნეზე ჩრდილოეთ ამერიკასა და ევროპაში – საერთაშორისო სუპერვარსკვლავი Pitbull ახლა ამ წარმატების ტალღას Billboard Latin Music Week 2026-ზეც განაგრძობს.
მუსიკალური ინდუსტრიის გლობალურმა ავტორიტეტმა „ბილბორდმა” დღეს განაცხადა, რომ გრემის მფლობელი არტისტი 2026 წლის ლათინური მუსიკის კვირეულის მონაწილე იქნება. ღონისძიება 19-22 ოქტომბერს მაიამი ბიჩზე გაიმართება და კიდევ ერთხელ შეკრებს ლათინური მუსიკალური ინდუსტრიის წამყვან წარმომადგენლებს ლათინური მუსიკისა და კულტურის ძალის, გავლენისა და მომავლის აღსანიშნავად. ბილეთები უკვე ხელმისაწვდომია ვებგვერდზე BillboardLatinMusicWeek.com.
არმანდო კრისტიან პერესი – ცნობილი, როგორც Pitbull – გრემის მფლობელი დამოუკიდებელი საერთაშორისო სუპერვარსკვლავი, მეწარმე, განათლების ელჩი და სამოტივაციო სპიკერია, რომლის გავლენებიც სცდება მუსიკის საზღვრებს. ამჟამად, თავის I’m Back Tour-ში, Lil Jon-თან ერთად, ის მსოფლიოს მასშტაბით მსმენელის აღფრთოვანებას განაგრძობს. მილიარდობით აუდიოსტრიმითა და ვიდეონახვებით, ასობით ოქროსა და პლატინის სერტიფიკატითა და კარიერით, რომელმაც ხელახლა განსაზღვრა გლობალური წარმატების ფენომენი, ის მუსიკაში ერთ-ერთ ყველაზე გავლენიან არტისტად რჩება.
სცენის მიღმა Pitbull-მა წარმატებული ბიზნესპორტფოლიო შექმნა, როგორც ხმისჩამწერი ლეიბლის, Mr. 305-ისა და Voli 305 Vodka-ს დამფუძნებელმა. ის ასევე მაუწყებლობს საკუთარი არხით SiriusXM-ზე, რომელიც მსოფლიოს მასშტაბით რიტმულ ჰიტებს აერთიანებს. როგორც განათლების აქტიური მხარდამჭერი, ის არის SLAM!-ის თანადამფუძნებელი (Sports Leadership Arts Management) – ცნობილი უფასო საჯარო სკოლების ქსელის, რომელიც ამჟამად 10 000-ზე მეტ სტუდენტს ემსახურება აშშ-ის 14 კამპუსში, რითაც მომავალი თაობის განვითარებას ინოვაციური სწავლებითა და ლიდერობის უნარების გაძლიერებით უწყობს ხელს.
აღიარებული, როგორც ყველაზე ხანგრძლივი, პრესტიჟული და გავლენიანი ღონისძიება ლათინური მუსიკის ინდუსტრიაში, Billboard Latin Music Week-ს ხშირად დიდი ვარსკვლავების დაბადების ადგილსაც უწოდებენ. ღონისძიება მოიცავს რამდენიმედღიან პროგრამას შთამბეჭდავი ცოცხალი შესრულებებით, ექსკლუზიური პანელური დისკუსიებით, ინტერაქციული ვორკშოპებით. ის აერთიანებს წამყვან არტისტებს, კრეატორებსა და აღმასრულებლებს, რომლებიც ფანებთან ერთად მთელი მსოფლიოს მასშტაბით ლათინური მუსიკის მომავალს ქმნიან.
სამ ათწლეულზე მეტია, „ბილბორდის” ლათინური მუსიკის კვირეული ამ სფეროში ყველაზე გავლენიანი საუბრებისა და კულტურული მომენტების წამყვან ძალას წარმოადგენს. ის ერთმანეთთან აკავშირებს არტისტების სხვადასხვა თაობას, ინდუსტრიის ლიდერებსა და ფანებს. ყოველწლიურად კვირეული მნიშვნელოვან როლს ასრულებს ჟანრის მომავლის განვითარებაში გლობალურ სცენაზე და იმყარებს პოზიციებს, როგორც გასართობი ინდუსტრიის ერთ-ერთი ყველაზე გავლენიანი ღონისძიება.
გასული წლის კვირეულმა ლათინური მუსიკის ისეთ დიდ სახელებს მოუყარა თავი, როგორებიც არიან: Daddy Yankee, DJ Khaled, გლორია და ემილიო ესტეფანები, Kali Uchis, ლაურა პაუზინი და სხვები. წლევანდელი გამოშვება კიდევ ერთხელ გაამახვილებს ყურადღებას ლათინური მუსიკისა და ამბის თხრობის გლობალურ წარმატებასა და გავლენაზე.
2026 წლის Billboard Latin Music Week 19 ოქტომბერს დაიწყება და მონაწილეებს დატვირთულ პროგრამას შესთავაზებს, მათ შორის საუბრებს არტისტებთან, პანელურ დისკუსიებს, ცოცხალ შესრულებებს, ვორკშოპებს, პროფესიული კავშირების შესაძლებლობებსა და სხვა მრავალფეროვან აქტივობებს.
კვირეული დაემთხვევა 2026 წლის Billboard Latin Music Awards-ს, რომელიც მაიამიში 22 ოქტომბერს გაიმართება.
ღონისძიების სპონსორები არიან Harbourview Equity Partners, HYBE Latin America, Sonesta International Hotels და Lincoln.
დამატებითი ინფორმაციისთვის ეწვიეთ BillboardLatinMusicWeek.com.
