Cardi B-ის თქმით, კლიპ AH HA-ს გადაღება მილიონ დოლარზე მეტი დაუჯდა, რაშიც არტისტი ნიუ-იორკის პოლიციის დეპარტამენტს ადანაშაულებს

Cardi B-იმ მუსიკალური ვიდეო ბრუკლინში გადაიღო
Cardi B - AH HA YouTube/Cardi B
Cardi B – AH HA
YouTube/Cardi B

გრემის მფლობელმა რეპერმა Cardi B-იმ  სიმღერისთვის AH HA  მუსიკალური კლიპი ნიუ იორკის ქუჩებში გადაიღო, თუმცა კლიპის გადაღება იმაზე  მეტი დაუჯდა, ვიდრე  ელოდა. მისივე თქმით, ვიდეოს გადაღებისთვის მილიონ დოლარზე მეტი დაიხარჯა.

რეპერი 27 აგვისტოს, X Spaces-ში ჩაერთო და დეტალურად ისაუბრა ნიუ-იორკის ქუჩებში გადაღების ნებართვების მიღებისა და NYPD-სთან თანამშრომლობის რთულ  და დამღლელ პროცესებზე. მისი თქმით, პოლიციის დეპარტამენტმა მას, როგორც A-კლასის ვარსკვლავს, ნებართვებისთვის ზედმეტი თანხის გადახდა დააკისრა. 

„ვერ ვხვდები, ეს მუსიკალური ვიდეო ასეთი ძვირი რატომ დაჯდა. ღმერთს გეფიცებით, მინდოდა, კლიპი მარტივი გამოსულიყო. მსურდა ნიუ-იორკის ზაფხულის განწყობა შემომეტანა. ბევრი არტისტი იღებს კლიპებს ქუჩაში. მეგონა, რომ ეს ვიდეო დაახლოებით 250 000 დოლარი დაჯდებოდა. მაგრამ, საბოლოოდ კლიპის ღირებულებამ მილიონ დოლარს გადააჭარბა.“ 

Cardi B-იმ განმარტა, რომ თავდაპირველად კლიპის გადაღებას საკუთარ უბანში, ბრონქსში, გეგმავდა, თუმცა საბოლოოდ ბრუკლინში, Sunset პარკში გადაღება შესთავაზეს.

„თუ ვიდეოს ნახავთ, ის საერთოდ არ ქმნის იმ განწყობას, რაც მინდოდა. რადგან Cardi B ვარ, ნებართვების მისაღებად ჩემგან ზედმეტ თანხას ითხოვდნენ. ზუსტად ვიცი, რომ ჩვეულებრივ რეპერებს, რომლებიც კლიპებს ქუჩებში იღებენ, ამდენის გადახდა არ უწევთ. ძალიან მინდოდა, ჩემი მუსიკალური ვიდეო ბრონქსის პატარა ქუჩაზე გადამეღო, მათ კი მაიძულეს, გადაღებები სხვადასხვა ადგილას გამემართა.“ – დასძინა რეპერმა. 

„ნებართვების მისაღებად კოლოსალური თანხა გამომართვეს,  ვგრძნობ, რომ ყველაფერი გადაჭარბებულია, ყველაფერს დიდ პრობლემად აქცევდნენ. გადასაღებ მოედანზე 40-მდე ნიუ-იორკელი პოლიციელი იყო, რამაც გადაღების პროცესი ფაქტობრივად შეუძლებელი გახადა. NYPD-ის თანამშრომლებმა უბრალოდ ძალიან გადაამეტეს,“ –  თქვა Cardi B-იმ. 

33 წლის არტისტმა აღნიშნა, რომ  მუსიკალურ ვიდეოს ღია სივრცეში აღარასდროს გადაიღებს, რადგან მრავალრიცხოვანი მაყურებლის წინაშე ის ნერვიულობს. „ეს უკანასკნელი შემთხვევაა, როდესაც ვიდეოკლიპს საჯარო სივრცეში ვიღებდი, სადაც სიტუაციას ვერ ვაკონტროლებ.  იმდენად გადატვირთული ვიყავი, რომ საბოლოოდ ამ ყველაფრის მიმართ იმედგაცრუებული დავრჩი. ამ ვიდეოს გადაღებით სიამოვნება ნამდვილად არ მიმიღია. აღარასდროს გადავიღებ  კლიპს ღია სივრცეში.“  – აღნიშნა Cardi B-იმ.

AH HA – Cardi B-ის 2026 წლის პირველი სინგლია, რომელიც 31 ივლისს გამოვიდა, ხოლო მუსიკალური ვიდეო არტისტმა თითქმის ერთი თვის შემდეგ, 28 აგვისტოს, წარადგინა. DJ SqanQo-ს მიერ პროდიუსირებული სიმღერა Billboard Hot 100-ის ჩარტში გამოსვლისთანავე 25-ე ადგილზე მოხვდა, ამ კვირის ჩარტში კი სინგლი მეორმოცე ადგილს იკავებს. 

Share
Tweet
Share
Share
Share

Leave a Reply

წინა სტატია

ოლივია როდრიგო

კვირის მუსიკალური გზამკვლევი – ოლივია როდრიგო, ალექს უორენი, JENNIE, Rod Wave და სხვა არტისტები

შემდეგი სტატია

ტეილორ სვიფტმა 50 000 დოლარი გადაურიცხა ქალს, რომელიც უცნობი მოზარდების გადარჩენის მცდელობისას დაშავდა

შეიძლება დაგაინტერესოთ

„ჩაწერის ერთ-ერთი საუკეთესო გამოცდილება, რაც კი შეიძლება გქონდეს“ – მაიკ მილსი R.E.M.-ის ალბომის, Reveal-ის შესახებ საუბრობს

საიუბილეო დელუქს გამოცემა მოიცავს იმ პერიოდის აქამდე გამოუქვეყნებელ ცოცხალ კონცერტსაც.
მეტი

რობერტ გლასპერი ხსნის, რატომ არ შეუძლია ხელოვნურ ინტელექტს გაიმეოროს ის ადამიანური „შეცდომები“, რომლებიც მუსიკას ცოცხალსა და ნამდვილს ხდის

ინტერვიუს მსვლელობისას გლასპერმა სხვადასხვა არტისტთან კოლაბორაციის შესახებაც ისაუბრა.
მეტი

ბრუნო მარსი მამის გარდაცვალებას გლოვობს: „ადამიანი, რომელმაც ყველაფერი მასწავლა, რაც კი ვიცი“

„ჩემს თვალში ის მსოფლიოში საუკეთესო მამა იყო“, – დაწერა გრემის მფლობელმა მუსიკოსმა.
მეტი
პოლ მაკარტნი ტურნეს - Got Back-ის კონცერტზე, 2022 წლის 13 მაისი, კალიფორნია, ლოს-ანჯელესი, SoFi-ს სტადიონი Michael Buckner/PMC

უკრაინელი ქალებისა და ბავშვების მხარდასაჭერ საქველმოქმედო კონცერტზე Songs of Freedom პოლ მაკარტნი, ბარბრა სტრეიზანდი, შონ პენი და სხვა ვარსკვლავები მიიღებენ მონაწილეობას

კონცერტი 2027 წლის 3 თებერვალს დიდ ბრიტანეთში, მანჩესტერში, Co-op Live-ის არენაზე გაიმართება.
მეტი

რიანამ და დუა ლიპამ ბრილიანტისა და პლატინის სერტიფიკატების მთელი წყება მოიპოვეს 

ლიპას 2020 წლის ალბომის, Future Nostalgia-ს მთავარი ჰიტი მის კარიერაში პირველი სიმღერაა, რომელმაც ბრილიანტის სერტიფიკატი მიიღო.
მეტი
LISA ფილმიდან Always Lalisa სიმღერა Leave With Me LLOUD/ YouTube

LISA-მ ფილმიდან Always Lalisa ახალი ემოციური სინგლი Leave With Me  წარადგინა

ნელი, მელოდიური ბალადა დოკუმენტური ფილმის ტიტრების ფონზე ჟღერს. ფილმის ნახვა ექსკლუზიურად YouTube Premium-ზეა შესაძლებელი.
მეტი
wayward.atom ფოტო: ნინუცა კაკაბაძე

ქართული ელექტრონული მუსიკა საერთაშორისო სცენაზე – wayward.atom-ის გამოცდილება Sonica Glasgow-ზე და სამომავლო გეგმები

თბილისსა და გლაზგოს შორის ახალი კულტურული ხიდი შენდება - 2027 წელს საქართველო ექსპერიმენტული მუსიკის მასშტაბურ შოუქეისს უმასპინძლებს.
მეტი