27 სექტემბერს Skazz-ის ახალი ალბომი Transit გამოვიდა. რვა კომპოზიციისგან შემდგარი ნამუშევარი მსმენელს თბილისის განსხვავებულ მარშრუტს სთავაზობს და ქალაქის სხვადასხვა სივრცესა და ისტორიაში მუსიკის საშუალებით ამოგზაურებს.
ალბომის გამოსვლის დღეს Skazz-მა Left Bank-ში Transit-ის პრეზენტაცია გამართა. ლაივზე ჯგუფმა მსმენელს ახალი ალბომი ცოცხლად წარუდგინა.
Transit-ში შესული თითოეული კომპოზიცია თბილისის კონკრეტულ ლოკაციას უკავშირდება: „ახსნას ვაპირებდი“ – დიდი დიღომი, „ადვოკატი“ – დიდუბე-წერეთელი, „არამედ“ – მთაწმინდა, „სახლებს“ – ვარკეთილი, „ჯერ“ – ვაგზალი, „პლატოები ცრის“ – ნუცუბიძის პლატო, „ვენდეტა“ – აფრიკა-ლილო, ხოლო „თუ გშია“ – გლდანი. რვა განსხვავებული ლოკაცია და რვა ისტორია Transit-ს თბილისის ერთგვარ მუსიკალურ რუკად აქცევს.
ალბომის გამოსვლამდე Skazz-მა სოციალურ ქსელში Transit-ის იდეა განმარტა:
„ალბომი ჩვენს თბილისურ მოგზაურობაზეა – 8 თბილისი, 8 სხვადასხვა ლოკაცია, 8 ისტორია. დარჩით ხაზზე, მალე ალბომის პრეზენტაციას დავაანონსებთ.“
Transit უკვე ხელმისაწვდომია ყველა ძირითად მუსიკალურ პლატფორმაზე.
ალბომის დასკვნითი კომპოზიცია – „თუ გშია“ Transit-ის მთავარ გზავნილს ახმოვანებს: „გზაში ვარ, შევცოდე, ეცადე გამიგო, მტკვარშია, იცოდე, რაც ნაპირზე იყო, ასეთი დარჩება სინანულის ფორმა, სიკვდილმა შეზღუდა სიმართლეზე წვდომა.“
მოუსმინეთ Transit-ის ახალ ალბომს:
