დიდი ხანია, ოლივია როდრიგო ღიად საუბრობს The White Stripes-ის სიყვარულზე. ამის დასამტკიცებლად კი ახლა მეგ უაიტის ერთ-ერთ ყველაზე საკულტო ტანისამოსსაც ფლობს.
The Hollywood Reporter-ის გარეკანის სტატიაში პოპვარსკვლავმა გაამხილა, რომ უაიტის ვინტაჟურ თეთრ კაბაში „ზედმეტად დიდი თანხა” გადაიხადა. სწორედ ეს კაბა აცვია უაიტს ალბომ Elephant-ის გარეკანზე, რომელმცაც 2003 წელს Billboard 200-ის ჩარტში მე-6 ადგილი დაიკავა. Julien’s Auctions-ის მონაცემებით, იგივე კაბა Music Icons-ის აუქციონზე 25 600 დოლარად გაიყიდა.
„თუ Daisy Chain-ს ზამთარში გავმართავ, მაშინ, შესაძლოა, მისი ჩაცმა შევძლო,“ – უთხრა მან გამოცემას. მანამდე კი განმარტა, რომ სურდა, ეს კაბა პირველად აგვისტოში, სწორედ მისი საქველმოქმედო ფესტივალის სადებიუტო ღონისძიებაზე ჩაეცვა, თუმცა სიცხის გამო ვერ შეძლო. „ჯანდაბა, იქ ძალიან ცხელოდა,” – აღნიშნა მან.
როდრიგო ბავშვობიდან The White Stripes-ის ერთგული ფანია. ის სოციალურ მედიაში დუეტის ფანგვერდსაც კი მართავდა, საკუთარ ინსტაგრამზე კი ეწერა: „ჯეკ უაითის ყველაზე დიდი ფანი“. პირველად ჯეკს 2022 წელს შეხვდა და ინსტაგრამზე დაწერა: „დღეს ჩემს გმირებს შორის ყველაზე დიდ გმირს შევხვდი. ჯერ კიდევ ვტირი.”
მას შემდეგ მუსიკოსები კონტაქტს ინარჩუნებენ. 2025 წელს როდრიგომ მონაწილეობა მიიღო The White Stripes-ის როკ-ენ-როლის დიდების დარბაზში შესვლის ცერემონიაში და ფეისტთან ერთად სიმღერა We’re Going to Be Friends შეასრულა. გასული წლის აპრილში კი გაამხილა, რომ ჯეკმა 30 Rock-ის კულისებში მას თბილი წერილი დაუტოვა, სანამ Saturday Night Live-ის წამყვანად გავიდოდა. წერილში ეწერა: „მაგრად ჩაატარე, პატარავ.”
„ჯეკ უაიტი მიყვარს. ის ჩემი გმირია,” – უთხრა როდრიგომ ჯიმი ფელონს ამ შემთხვევის გახსენებისას. „ის ყველაზე მაგარი ადამიანია, შესანიშნავი პიროვნება. ყოველთვის იცავს იმას, რაც სწორად მიაჩნია.”
„ის ძალიან მაგარია, ძალიან გულწრრფელი და ძალიან უყვარს მუსიკა,” – თქვა ჯეკ უაიტმა როდრიგოზე 2022 წელს. „ამასთანავე, ახალგაზრდებს ვინილის ფირფიტების სიყვარულსაც ასწავლის. პატივისცემა მას.”
