ორმა ქართველმა არტისტმა – ნინი ნუცუბიძემ და ანუშკა ჩხეიძემ Kordz-ისა და თამრიკო კორძაიას კომპოზიციების ახალი რემიქსები გამოუშვეს. ნამუშევრები ლეიბლ Prrrrrrr Records-ზე გამოვიდა. რემიქსები ალბომ Find Me-ის ფარგლებში შექმნილი კომპოზიციების ახლებური ჟღერადობაა.
მომღერალმა და პროდიუსერმა ნინი ნუცუბიძემ კომპოზიცია 13 Years-ის ალტერნატიულ ვერსიაზე იმუშავა და მას ინდივიდუალური, მისთვის დამახასიათებელი ტექსტურისა და ჟღერადობის ხასიათი შესძინა.
ანუშკა ჩხეიძემ Very Sad Melody-ს გარემიქსებული ვერსია წარადგინა. არტისტმა ნაწარმოები მედიტაციურ ჟღერადობაში გადაიყვანა. რემიქსი ორიგინალი კომპოზიციის სიღრმეებს იკვლევს და არ კარგავს ავტორების – Kordz-ისა და თამრიკო კორძაიას პირველსაწყის ხასიათს.
