კიმ კარდაშიანის თქმით, როდესაც კანიე უესტის შესახებ ნეგატიური ამბები ვრცელდება, შვილების დასაცავად მთელი ოჯახი იზოლაციის რეჟიმზე გადადის

რეალითი შოუს ვარსკვლავი ახალ წიგნში Citizen Kim რეპერთან, როგორც მისი შვილების მამასთან, ურთიერთობაზე საუბრობს.
კიმ კარდაშიანი და კანიე უესტი 2019 წელს
LARS NIKI/GETTY IMAGES FOR WSJ. MAGAZINE INNOVATORS AWARDS

კიმ კარდაშიანი შვილების დასაცავად იზოლაციის რეჟიმს რთავს, როცა მისი ყოფილი მეუღლის, კანიე უესტის გარშემო უარყოფითი ინფორმაცია ვრცელდება ან როცა რეპერი ფსიქიკური ჯანმრთელობის რთულ პერიოდს გადის. 

ჯონათან ვან მეტერის ახალ წიგნში Citizen Kim: The Woman Who Created the Future კარდაშიანი საუბრობს, თუ როგორ იცავს თავის ოთხ შვილს: 13 წლის ნორსს, 10 წლის სენტს, 8 წლის ჩიკაგოსა და 7 წლის ფსალმს. ეს კი პრაქტიკულად გარესამყაროსგან სრულ გათიშვას გულისხმობს. 

„მთელმა ჩემმა ოჯახმა იცის, რას ნიშნავს იზოლაციის რეჟიმი, როცა ამას მივწერ. იზოლაციის რეჟიმში ვართ – არა ტელევიზორს, მხოლოდ ფილმები,” – განმარტავს კიმი წიგნის 308-ე გვერდზე. არც რადიოს ვრთავთ. მანქანაში მუსიკის მოსასმენად მხოლოდ ტელეფონს ვაერთებ. SiriusXM-იც კი არ შეიძლება, რადგან იქ მიმდინარე მოვლენებზე პირდაპირ ეთერში საუბრობენ. ბავშვები კი ამ ყველაფრის ნაწილი არ უნდა იყვნენ.”

მიუხედავად იმისა, რომ 2026 წელს კიმისა და კანიეს ურთიერთობა გაცილებით ჯანსაღია და თავად რეპერიც თითქოს უფრო მშვიდი ცხოვრების გზას მიჰყვება, კარდაშიანი აღიარებს, რომ ყოფილ მეუღლეზე მაინც ღელავს, რადგან ანტისემიტური სიძულვილის ენის გავრცელების გამო ის კვლავ კრიტიკის ობიექტია. რეპერმა, რომელიც ღიად საუბრობს საკუთარ ფსიქიკურ ჯანმრთელობაზე, იანვარში Wall Street Journal-ში განცხადება გამოაქვეყნა, სადაც ბოდიში მოიხადა და თავისი საქციელი განმარტა.

„მასზე სულ ვღელავ, ყოველთვის. ის ჩემი შვილების მამაა. მასზე დარდს არასდროს შევწყვეტ. დიდი ტვირთია შვილების ყოლა იმ ადამიანთან, ვისთანაც კარგი ურთიერთობა არ გაქვს. ჩემმა შვილებმა ამის შესახებ არ უნდა იცოდნენ.”

„ყველაფერს ვაკეთებ იმისთვის, რომ წარსულში მომხდარი ყველა ნეგატიური რამ დავივიწყო. რეალისტი უნდა ვიყო. ჩემი თერაპევტიც ხშირად მეუბნება: ‘შენი პირადი საზღვრები უფრო მკაფიო უნდა გახადო.’ თუმცა ჩვენ ზედმეტი კონფლიქტების გარეშე ვახერხებთ შვილების ერთად აღზრდას. უკვე საკმაოდ დიდი ხანია, ყველაფერი მშვიდად მიდის. ალბათ იმიტომ, რომ ერთმანეთთან ხშირად არ ვსაუბრობთ“.

კარდაშიანი კვლავ ინარჩუნებს ახლო ურთიერთობას კანიეს ოჯახის წევრებთან და ხელს უწყობს მათ შვილებთან ურთიერთობაში.

„მის ოჯახთან ძალიან ახლო ურთიერთობა მაქვს. ჩემი კარი ყველასთვის ღიაა. ვეუბნები: ‘ნებისმიერ დროს, როცა ქალაქში ხართ, ჩვენთან სადილზე მოდით, ნახეთ ბავშვები იმდენჯერ, რამდენჯერაც მოგინდებათ, წაიყვანეთ ისინი, გვეწვიეთ და უბრალოდ ერთად გაატარეთ დრო. ეს მათი ოჯახია, ამიტომ ძალიან ვუწყობ ხელს, რომ ბავშვებს მამასთან ურთიერთობა ჰქონდეთ,” – ამბობს კიმი.

ოქტომბრის დასაწყისში The Sunday Times-თან ინტერვიუში კარდაშიანმა ასევე გაამხილა, რომ ნორს უესტის მუსიკალურ კარიერაზე ის და კანიე ერთ აზრზე არიან. „ეს ის საკითხია, რომელზეც მე და მამამისს უკეთესი კომუნიკაცია გვაქვს. ვრწმუნდებით, რომ ერთნაირ პოზიციაზე ვართ და ის იმ პროექტებში მონაწილეობს, რომლებსაც ორივე ვეთანხმებით,” – აღნიშნა მან.

უესტმა და კარდაშიანმა ურთიერთობა 2012 წელს დაიწყეს. 2014 წელს, ნორსის დაბადების შემდეგ, წყვილი იტალიაში დაქორწინდა. 2021 წელს კი კიმმა განქორწინების პროცესი დაიწყო, რომელიც 2022 წელს დასრულდა. 

Share
Tweet
Share
Share
Share

Leave a Reply

წინა სტატია

U2 Courtesy Michael Schwartz

U2 – 2027 წელს მსოფლიო ტურნეს – The Greatest Show On Earth-ს გამართავს

შემდეგი სტატია

ჯეკ ანტონოფმა და მარგარეტ ქუელიმ 3-წლიანი თანაცხოვრების შემდეგ განქორწინებაზე განაცხადი შეიტანეს

შეიძლება დაგაინტერესოთ

„ჩაწერის ერთ-ერთი საუკეთესო გამოცდილება, რაც კი შეიძლება გქონდეს“ – მაიკ მილსი R.E.M.-ის ალბომის, Reveal-ის შესახებ საუბრობს

საიუბილეო დელუქს გამოცემა მოიცავს იმ პერიოდის აქამდე გამოუქვეყნებელ ცოცხალ კონცერტსაც.
მეტი

რობერტ გლასპერი ხსნის, რატომ არ შეუძლია ხელოვნურ ინტელექტს გაიმეოროს ის ადამიანური „შეცდომები“, რომლებიც მუსიკას ცოცხალსა და ნამდვილს ხდის

ინტერვიუს მსვლელობისას გლასპერმა სხვადასხვა არტისტთან კოლაბორაციის შესახებაც ისაუბრა.
მეტი

ბრუნო მარსი მამის გარდაცვალებას გლოვობს: „ადამიანი, რომელმაც ყველაფერი მასწავლა, რაც კი ვიცი“

„ჩემს თვალში ის მსოფლიოში საუკეთესო მამა იყო“, – დაწერა გრემის მფლობელმა მუსიკოსმა.
მეტი
პოლ მაკარტნი ტურნეს - Got Back-ის კონცერტზე, 2022 წლის 13 მაისი, კალიფორნია, ლოს-ანჯელესი, SoFi-ს სტადიონი Michael Buckner/PMC

უკრაინელი ქალებისა და ბავშვების მხარდასაჭერ საქველმოქმედო კონცერტზე Songs of Freedom პოლ მაკარტნი, ბარბრა სტრეიზანდი, შონ პენი და სხვა ვარსკვლავები მიიღებენ მონაწილეობას

კონცერტი 2027 წლის 3 თებერვალს დიდ ბრიტანეთში, მანჩესტერში, Co-op Live-ის არენაზე გაიმართება.
მეტი

რიანამ და დუა ლიპამ ბრილიანტისა და პლატინის სერტიფიკატების მთელი წყება მოიპოვეს 

ლიპას 2020 წლის ალბომის, Future Nostalgia-ს მთავარი ჰიტი მის კარიერაში პირველი სიმღერაა, რომელმაც ბრილიანტის სერტიფიკატი მიიღო.
მეტი
LISA ფილმიდან Always Lalisa სიმღერა Leave With Me LLOUD/ YouTube

LISA-მ ფილმიდან Always Lalisa ახალი ემოციური სინგლი Leave With Me  წარადგინა

ნელი, მელოდიური ბალადა დოკუმენტური ფილმის ტიტრების ფონზე ჟღერს. ფილმის ნახვა ექსკლუზიურად YouTube Premium-ზეა შესაძლებელი.
მეტი
wayward.atom ფოტო: ნინუცა კაკაბაძე

ქართული ელექტრონული მუსიკა საერთაშორისო სცენაზე – wayward.atom-ის გამოცდილება Sonica Glasgow-ზე და სამომავლო გეგმები

თბილისსა და გლაზგოს შორის ახალი კულტურული ხიდი შენდება - 2027 წელს საქართველო ექსპერიმენტული მუსიკის მასშტაბურ შოუქეისს უმასპინძლებს.
მეტი