Metallica-ს მსოფლიო ტურნეს პერიოდში, ბენდის ვოკალისტი და გიტარისტი ჯეიმზ ჰეტფილდი გარკვეული პერიოდი მშობლიურ ქალაქ ვეილში, კოლორადოში იმყოფებოდა, რა დროსაც ვეილის საავადმყოფოს უკრაინელი ჯარისკაცის მოსანახულებლად ეწვია.
როგორც Vail Daily იტყობინება სამხედრო მოსამსახურე რომან დენისიუკი 11 მაისს ადგილობრივი ორგანიზაცია Limbs For Liberty-ის ჩართულობით საავადმყოფოში გადიოდა მკურნალობას.
Limbs For Liberty-ის ორგანიზაციის თანადამფუძნებელი კელი როდრიგი ჯარისკაცთან საავადმყოფოში ვიზიტის დროს ავტომანქანების პარკინგზე შემთხვევით Metalica-ს სოლისტ ჯეიმზ ჰეტფილდს შეხვდა. კელი როდრიგმა მუსიკოსს ჯარისკაცის მდგომარეობა აუხსნა და სთხოვა მისი მონახულება, რაზეც ჰეტფილდი დათანხმდა. მუსიკოსმა საავადმყოფოში უკრაინელი ჯარისკაცები რომან დენისიუკი და იგორ ვოინი მოინახულა.
„Metallica-ს სიმღერები უკრაინაში დიდი პოპულარობით სარგებლობს, თინეიჯერობის ასაკში ჩვენ ყველა ვუსმენდით და მათთან შეხვედრაზე ვოცნებობდით.“- აღნიშნა უკრაინელმა ჯარისკაცმა
„არ მჯეროდა, რომ ეს შეხვედრა რეალობა იყო, ძალიან მოულოდნელად მოხდა ყველაფერი. ეს იყო მოკლე, მაგრამ თბილი შეხვედრა. კარგი იქნებოდა საავადმყოფოს ნაცვლად, სადმე ლაშქრობაში შევხვედროდით და ერთად სასმელი დაგველია“ – თქვა ჯარისკაცმა იგორ ვოინიმ.
ჯეიმზ ჰეტფილდმა ჯარისკაცებს წარმატება და მალე გამოჯანმრთელება უსურვა. მუსიკოსმა Limbs For Liberty-ის ორგანიზაციის თანადამფუძნებელ კელი როდრიგს მანქანის საქარე მინაზე წერილი დაუტოვა: „შენ მე დღე გამილამაზე“.
რუსეთ-უკრაინის ომის დაწყებიდან ერთ თვეში Metallica-მ World Central Kitchen-ის საქველმოქმედო ფონდის მეშვეობით უკრაინელ ლტოლვილებს 500 000 დოლარი გადაურიცხა. ორგანიზაცია Limbs For Liberty ექიმებთან და ფიზიოთერაპევტებთან ერთად უკრაინელი ჯარისკაცებისთვის პროთეზების შექმნისთვის მუშაობენ.
Metallica-ს ტურის ფარგლებში, უახლესი კონცერტი, 26 მაისს ჰამბურგში, გერმანიაში აქვს დაგეგმილი.
ნახეთ ჯეიმს ჰეტფილდის ფოტო საავადმყოფოში ვიზიტის დროს.
James Hetfield, lead singer of Metallica, visits Ukrainian soldiers at Vail Health https://t.co/yM29tB2KiB
— Vail Daily (@VailDaily) May 18, 2023
