25 წელი გავიდა მას შემდეგ, რაც HBO-ზე ჰიტად ქცეული სერიალის Sex and the City-ის პრემიერა შედგა. სწორედ ამდენი წლის წინ გაიცნო მაყურებელმა თავისი საყვარელი პერსონაჟები: ქერი ბრედშოუ (სარა ჯესიკა პარკერი), სამანტა ჯონსი (კიმ კეტრელი), შარლოტ იორკი (კრისტინ დეივისი) და მირანდა ჰობსი (სინთია ნიქსონი.
გმირების ისტორია ახალმა სერიალმა სახელწოდებით And Just Like That გააგრძელა, რომელიც ასევე HBO-ს პროექტია. სანამ სიქველის მეორე სეზონი გამოვა, შემოქმედებითი გუნდი Sex and the City-ის იუბილეს აღნიშნავს.
ამ საიუბილეო თარიღთან დაკავშირებით, სარა ჯესიკა პარკერმა 6 ივნისს ქერი ბრედშოუს ცნობილი ყელსაბამის ფოტო გამოაქვეყნა. „ეს ჩვენი ვერცხლის იუბილეა, თუმცა მოგონებები ყოველთვის ოქროსი იქნება“ – ასე დაასათაურა პარკერმა პოსტი.
რაც შეეხება სერიალს And Just Like That, მისი მეორე სეზონის პრემიერა 22 ივნისს HBO Max-ზე შედგება.
ნახეთ სერიალის ტრეილერი:
