„Რენესანსი“ დასრულდა, მოისმინეთ სიმღერები Texas Hold ‘Em და 16 Carriages.
ბიონსემ სამმოქმედებიანი პროექტის მეორე ნაწილი გამოაქვეყნა, რომელზეც მომღერალი ჯერ კიდევ 2022 წელს საუბრობდა.
11 თებერვალს ინსტაგრამის ოფიციალურ გვერდზე ბიონსემ სარეკლამო ვიდეო გამოაქვეყნა, რომელშიც უცნობი ქალი (სავარაუდოდ თავად ბიონსე) საჭესთან ზის, ავტომობილის სანომრე ნიშანზე კი შემდეგი ტექსტი წერია: Texas Hold ‘Em. იგივე ტექსტი ჩნდება ბილბორდზეც, ვიდეოს ბოლოს კი კადრი იჭრება და შავ ეკრანზე ჩნდება წარწერა – Act II, 3.29. ვიდეო ბიონსეს ოფიციალურ საიტზეც არის განთავსებული.
ალბომის გამოცემა 29 მარტს იგეგმება, ხოლო სიმღერები Texas Hold ‘Em-ის და 16 Carriages, რომლებიც მასშია შესული, YouTube და TIDAL პლატფორმაზე უკვე ხელმისაწვდომია.
თაყვანისმცემლების აზრით, სარეკლამო ვიდეოში ბიონსეს მშობლიურ შტატ ტეხასის კადრები და ქანთრი მუსიკის ფრაგმენტები იმაზე მიანიშნებს, რომ ახალი ალბომი სწორედ ამ ჟანრის მოტივებით იქნება გაჯერებული. ჯერ კიდევ უსახელო „აქტი II“ „რენესანსის“ გაგრძელებაა, იმ ალბომისა, რომლის სახელწოდებით გამართული მსოფლიო ტურნე Rennaisance World Tour მომღერლისთვის ისტორიული აღმოჩნდა – მისმა შემოსავალი 579 მილიონ დოლარს გადააჭარბა.
ნახეთ ბიონსეს ახალი პროექტის Act II-ის სარეკლამო ვიდეო და მოისმინეთ სიმღერები Texas Hold ‘Em და 16 Carriages.
