ბილი აილიშის ახალი მუსიკალური ეტაპი იწყება. 18 აპრილს მომღერალმა ალბომ Hit Me Hard and Soft-ის სიმღერების სია წარადგინა.
ათი ტრეკისგან შემდგარ ალბომში შესულ სიმღერებს შორისაა: Skinny, Lunch, L’Amour De Ma Vie, Blue და Wildflower და სხვა.
ალბომში ასევე შედის სიმღერა Chihiro, რომელიც სტუდია გიბლის ანიმაციის, Spirited Away-ს შთაგონებით არის შექმნილი. სიმღერის 15-წამიანი თიზერი ბილი აილიშმა Apple Music-ის წამყვან ზეინ ლოუსთან ინტერვიუს დროს გამოაქვეყნა.
„ყოველთვის, როცა რაიმეს ვაქვეყნებ, ისეთი შეგრძნება მაქვს, თითქოს ჩემი სხეულის შიშველ ფოტოებს ვდებ, ვფიქრობ, ეს სიმღერაც ასეთია“. – თქვა ბილი აილიშმა სიმღერაზე Chihiro.
ბილი აილიშის მესამე სტუდიური ალბომი Hit Me Hard and Soft 17 მაისს გამოვა. მუსიკოსის დებიუტი 2019 წელს, ალბომით When We All Fall Sleep, Where Do We Go? შედგა, 2021 წელს კი ალბომი Happier Than Ever გამოვოდა. ორივე ალბომი ბილბორდ 200-ში სამი კვირის განმავლობაში ლიდერობდა.
ნახეთ სიმღერების სრული სია:
