გამორჩეული სივრცის მქონე ფერადი და მხიარული ელექტრონული მუსიკის ფესტივალი eZo Festival თბილისში წელს უკვე მეცხრე წელია რაც ტარდება და ამ პერიოდის განმავლობაში მრავალი დასამახსოვრებელი დღე აჩუქა დამსწრეებს. ეზო ფესტივალი Mzesumzira Community-ის მიერ ორგანიზებული ფესტივალია, სადაც ზაფხულის ცხელ დღეს შეგიძლია გაერთო, სასიამოვნო გარემოში დაისვენო და მუსიკით დატკბე. წლევანდელი ფესტივალი 5 ივლისს გაიხსნა, მომდევნო საღამო კი 19 ივლისს გაიმართება.
ვახუნა ქავთარაძე, eZo Festival-ის ორგანიზატორი:
„წელს მეცხრე წელია, რაც eZo Festival ტარდება, მუსიკალური კუთხით წელს მთლიანად ქართველ არტისტებზე, ლეიბლებზე თუ მუსიკალურ სკოლებზე კეთდება აქცენტი. შემიძლია ვთქვა, რომ ამ მასშტაბის გასაქანი ლოკალურ სცენას აქამდე არ ქონია. ჩვენთვისაც და მათთვისაც ეს მნიშვნელოვანი გამოცდილებაა.”
Მნიშვნელოვანია ასევე, რომ წლევანდელი ფესტივალი თამამად შეიძლება დასახელდეს ყველაზე ეკომეგობრულ ფესტივალად, რაც წლევანდელ ინიციატივაში გამოიხატება. Greener EZO-ს ინიციატივის ფარგლებში წელს ფესტივალმა მნიშვნელოვანი ნაბიჯი გადადგა ნარჩენების შემცირებისკენ და მდგრადობისკენ.
„მწვანე პოლიტიკის მიზანია ფესტივალის სრულად გაწმენდა გადაუმუშავებელი ნარჩენებისგან. ამ ეტაპზე პლასტმასის ბოთლების ჩანაცვლება შევძელით შუშის ბოთლებით, რომლებიც სრულად მიდის გადამუშავებაზე. ამ პროექტის უმნიშვნელოვანესი ნაწილია ფესტივალის სტუმრების ჩართვა პროცესში, შესაბამისად ლოკაციაზე მოეწყო 40 პუნქტი, სადაც შუშის, პლასტმასისა და სხვა ნარჩენების განცალკევება არის შესაძლებელი. პირველმა ივენთმა ამ მხრივ წარმატებით ჩაიარა, მაგრამ წინაც დიდი გზა გვაქვს.
პროექტში eZo Festival-ის პარტნიორები არიან CENN, UNDP და ნორვეგიის საელჩო.”
eZo Festival-ზე დასასწრები ბილეთების შეძენა ამ ბმულზეა შესაძლებელი:
