კენდრიკ ლამარის ახალი ტრეკი, Not Like Us, აქტუალობას არ კარგავს. სიმღერა, რომლის ტექსტითაც ლამარი დრეიკს უპირისპირდება, ამჯერად ახალი ვიდეო თამაშის შთაგონება აღმოჩნდა.
ვიდეო თამაშების დიზაინერმა რიჩი ბრენსონმა Not Like Us: The Game 15 ივლისს წარადგინა. თამაშის მთავარი ავატარი კენდრიკ ლამარის ავატარია, რომელიც სხვადასხვა დაბრკოლების დაძლევას ცდილობს. თამაში სხვადასხვა დონეს მოიცავს, რის პარალელურადაც დავალებებიც რთულდება.
ბრენსონი სოციალურ ქსელ X-ზე წეს, რომ სხვადასხვა დროს ვიდეო თამაშები შექმნა Bleacher Report-ისა და Epic Games-ვის. ბრენსონი არის ის დიზაინერი, რომელმაც Fortnite-ზე იმუშავა. დიზაინერის თქმით, Not Like Us: The Game დიდი სიყვარულით ეძღვნება ვიდეო თამაშებს და ჰიპ-ჰოპს.
თამაშის შინაარსი, როგორც ჩანს, ტრეკის კლიპით არის შთაგონებული. ვიდეო თამაშმა ბევრი ადამიანი დააინტერესა და დიდი მოწონებაც დაიმსახურა. სოციალურ ქსელ X-ზე არაერთი დადებითი შეფასება გვხვდება.
რაც შეეხება ტრეკს Not Like Us, ნამუშევარი Billboard Hot 100-ის მუსიკალურ ჩარტებში კვლავ დაბრუნდა.
Not Like Us: The Game-ის თამაშის დასაწყებად, ეწვიეთ ბმულს.
