კაროლ ჯიმ და ანდრეა ბოჩელიმ დუეტი გამოსცეს

ანდრეა ბოჩელიმ და  კაროლ ჯიმ დუეტი ჩაწერეს, რომლის სახელწოდებაა Vivo por Ella. სიმღერა მუსიკალურ სტრიმინგ პლატფორმებზე 30 აგვისტოს, ლეიბლ Decca Records/Sugar Music-ის მეშვეობით გამოიცა. სინგლი ცნობილი იტალიელი ტენორის ერთ-ერთი ყველაზე გამორჩეული კომპოზიციის, Vivo Per Lei-ს ახლებური, ესპანურენოვანი ინტერპრეტაციაა. თავდაპირველ ვერსიაში ანდრეა ბოჩელისთან ესპანელმა მომღერალმა მარტა სანჩესმა ითანამშრომლა. სინგლი ბოჩელის მომავალ ალბომ Duets-ში შევა. ალბომის გამოშვება 25 ოქტომბერს იგეგმება და ის ანდრეა ბოჩელის მუსიკალური მოღვაწეობის 30 წლის იუბილეს მიეძღვნება.

სინგლის ახალი ვერსია, 90-იან წლებში გამოშვებული სიმღერისგან განსხვავებით, უფრო სწრაფ ტემპშია. ტენორის მძლავრი ხმის ტემბრი კი სინთეზურად ერწყმის კოლუმბიელი სუპერვასკვლავის ძლიერ ვოკალს. სიმღერის პროდიუსერები დევიდ ფოსტერი და ელისი არიან.

„ამ სიმღერას ჩემს გულში განსაკუთრებული ადგილი უჭირავს. დიდი პატივია მისი ხელახლა წარმოჩენა მსოფლიოში ერთ-ერთ ყველაზე ნიჭიერ და განსაკუთრებულ შემსრულებელ კაროლ ჯისთან. მისი მშვენიერი ხმა სიყვარულისა და მუსიკის მარადიული ზეიმის შექმნაში გეხმარება, რომელიც ახალ თაყვანისმცემლებს გამოავლენს და ახალ ჟღერადობას შესძენს თაობებს,” – თქვა ანდრეა ბოჩელიმ განცხადებაში.

კაროლ ჯიმ კი პრეს-რელიზში აღნიშნა:  „ანდრეა ბოჩელი თინეიჯერობისას აღმოვაჩინე. ჩემი კავშირი მის მუსიკასთან, ძლიერ ხმასა და მუსიკის შექმნის უნიკალურ გზასთან ძალიან დიდია. ამ სიმღერაზე მუშაობა ჩემთვის დიდი პატივია. ეს არის სიმღერა, რომელიც ყოველთვის მიყვარდა. როდესაც სინგლზე მუშაობისთვის მიმიწვიეს, შეგრძნება მქონდა, თითქოს, სახლში დავბრუნდი. ეს არის სიმღერა, რომელსაც თავიდან ბოლომდე ვგრძნობ. ისეთი განცდა მაქვს, რომ ჩემს კარიერაში განსაკუთრებული რამ ხდება.”

სიმღერის ორიგინალმა ვერსიამ Vivo Per Lei მრავალ ქვეყანაში უდიდესი წარმატება მოიპოვა. 1995 წელს სინგლმა ბილბორდის ჩარტებში პირველ ადგილს მიაღწია.

ანდრეა ბოჩელის მომავალ დუეტების ალბომში 32 ტრეკი იქნება გაერთიანებული. ალბომში შევა კოლაბორაციები ისეთ არტისტებთან, როგორებიც არიან ედ შრანი, სელინ დიონი, სარა ბრაიტმანი, დუა ლიპა, ჯენიფერ ლოპესი, ჯორჯა პავაროტი, ლუჩანო პავაროტი, შენაია ტვეინი, კრის სტეპლტონი, გვენ სტეფანი, მარკ ენტონი, ჰანს ზიმერი და სხვა.

Მოისმინეთ დუეტი და ნახეთ ალბომში შესული სიმღერების სია:

CD1

1. Time To Say Goodbye (სარა ბრაიტმანი)

2. Vivo Por Ella (კაროლ ჯი)

3. Quizás, Quizás, Quizás (ჯენიფერ ლოპესი)

4. Fall On Me (მატეო ბოჩელი)

5. Perfect Symphony (ედ შირანი)

6. Da stanotte in poi (შენაია ტვეინი)

7. Holding On (გვენ სტეფანი)

8. Il mare calmo della sera (კრის სტეპელტონი) 

9. The Prayer (სელინ დიონი)

10. La vie en rose (ედიტ პიაფი)

11. E più ti penso – ფილმიდან „ერთხელ ამერიკაში” (არიანა გრანდე)

12. If Only (დუა ლიპა)

13. Somos Novios (კრისტინა აგილერა)

14. Return To Love (ელი გოლდინგი)

15. Rimani qui (Elisa)

16. Vivo per lei (Giorgia)

CD2

1. Dare To Live (Vivere)  (ლაურა პაუზინი)

2. Can’t Help Falling In Love (Katharine McPhee)

3. Hallelujah (ვირჯინია ბოჩელი) 

4. Amazing Grace (ელისონ კრაუსი)

5. Moon River – ფილმიდან „საუზმე ტიფანისთან” (სოფია კარსონი)

6. Canto della terra (ლაურენ დიეგლე) 

7. La voce del silenzio (მარკ ანტონი) 

8. Canzoni stonate (სტივი უანდერი)

9. Un amore così grande (ვერონიკა ბერტი) 

10. Notte ‘e piscatore – (ლუჩიანო პავაროტი)

11. Io ci sarò (Lang Lang)

12. Pianissimo (სესილია ბარტოლი)

13. The Pearl Fishers Duet – (ბრინ ტერფელი) 

14. Bambina mia ricordati (ვირჯინია ბოჩელი)  

15. What Child Is This? (Mary J. Blige)

16. Time To Say Goodbye  (მატეო ბოჩელი, ჰანს ზიმერი)