ქართული როკ ბენდის, „დაგდაგანის” ვოკალისტმა ცოტნე გორგოშიძემ სოციალურ ქსელში ჯგუფის დაშლის შესახებ პოსტი გააზიარა. მუსიკოსის თქმით, ბენდი კონცერტის შემდეგ ერთი ახალი სიმღერის გაზიარებასაც გეგმავს, რომელიც “ლენო რექორდსშია” ჩაწერილი.
ცოტნე გორგოშიძე:
„31-ში იქნება ჩვენი ბოლო კონცერტი. ყველას დიდი მადლობა გვერდში დგომისთვის. კონცერტის მერე ერთ სიმღერასაც დავდებთ, რომელიც შარშან ჩავწერეთ ლენო რექორდსში და ამით „დაგდაგანი“ მთავრდება. კიდევ ერთხელ მადლობა ამდენი წლისთვის. იმედი მაქვს, რამდენადაც რთული და მტკივნეული იყო ამ საქმის კეთება ჩემთვის, იმდენი კარგი მიიღეთ „დაგდაგანისგან“. გელოდებით ყველას ჰელოუინზე,” – წერს ჯგუფის ფრონტმენი და ბენდის დამფუძნებელი ცოტნე გორგოშიძე ფეისბუქ გვერდზე.
ქართული როკ-ჯგუფი „დაგდაგანი“ 2013 წელს ბენდის ვოკალისტმა, მუსიკის ავტორმა და დამფუძნებელმა ცოტნე გოგროშიძენ დაარსა, რომლის წევრებიც ასევე არიან: გიორგი კოჭლაშვილი (გიტარა), მათე ხურციძე (ბას-გიტარა), გიორგი მიგრიაული (გიტარა) და გიორგი ბულბულაშვილი (დრამი)
ბენდის დისკოგრაფიაში ყველაზე გამორჩეული სიმღერებია: „შენთან ერთად”, „მარი”, „ჩვენ ყველა დიდი ხნის წინ მოვკვდით” და „ტკივილგამაყუჩებელი”.
