საქართველოს მუსიკოსთა პროფესიული კავშირი სოციალურ ქსელში მიმართვას ავრცელებს, რომელიც კონსერვატორიის სტუდენტის, ანრი კაკაბაძის დაკავებას ეხება.
Billboard Georgia უცვლელად გთავაზობთ გამოქვეყნებული პოსტის ტექსტს:
„12 დეკემბერს, 14:00 საათზე მუსიკის სფეროს წარმომადგენლები ვიკრიბებით კონსერვატორიასთან და მოვითხოვთ, კონსერვატორიის სტუდენტის ანრი კაკაბაძის გათავისუფლებას!
13 დეკემბერს, 14:00 საათზე შევიკრიბებით კონსერვატორიასთან და მსვლელობა გვექნება კულტურის სამინისტროსკენ.”
ანრი კაკაბაძე, რომელიც კონსერვატორიის პირველი კურსის სტუდენტია, მიმდინარე საპროტესტო აქციების მონაწილე იყო. მას 2 წლამდე თავისუფლების აღკვეთა ემუქრება.
რაც შეეხება საქართველოს მუსიკოსთა პროფესიულ კავშირს, ორგანიზაცია 2024 წლის დასაწყისში დაარსდა და მისი მისია ძირითადად მუსიკოსების შრომითი უფლებების დაცვაა.
