გიორგი მიქაძე გრემის მფლობელი ჯაზგიტარისტის, ლი რიტნაუერის საგაზაფხულო ტურნეს უერთდება. ამის შესახებ ქართველი მუსიკოსი სოციალურ ქსელში წერს და ტურნეს ფარგლებში დაგეგმილი კონცერტების სიას აქვეყნებს, რომელიც აშშ-ის რამდენიმე შტატსა და ქალაქს მოიცავს. კონცერტების სერია 5 მარტს ფლორიდაში დაიწყება და 15 მარტს პენსილვანიაში დასრულდება.
ლი რიტნაუერი 1960-იანი წლების ცნობილი ამერიკელი ჯაზგიტარისტია. ის ჯამში 16-ჯერ არის წარდგენილი გრემიზე, რომლის მფლობელიც 1985 წელს საუკეთესო ინსტრუმენტული არანჟირებისთვის გახდა. 1979 წელს გიტარისტი Pink Floyd-მა მიიწვია Run Like Hell-ის შესასრულებლად. ის ასევე უკრავს ლეგენდარული ბენდის ცნობილ ჰიტში One of My Turns.
რიტნაუერის 1981 წლის სიმღერა Is It You, ერიკ ტაგის ვოკალით, შესულია ბილბორდის პოპჩარტის მე-15, ხოლო სოულის ჩარტის 27-ე ადგილზე.
