38 წლის მომღერალმა და მსახიობმა Lady Gaga-მ 8 მარტს, „შაბათის ღამის შოუში“, როგორც წამყვანის, ასევე მუსიკალური სტუმრის როლი მოირგო.
სუპერვარსკვლავმა საღამო მხიარული მონოლოგით გახსნა, შემდეგ კი თოთხმეტგზის გრემის გამარჯვებულმა ახალი ალბომიდან მისი ორი ენერგიული ჟღერადობის სიმღერა შეასრულა.
Lady Gaga-მ სიმღერა Abracadabra შთამბეჭდავი ქორეოგრაფიით დაიწყო, სადაც მას წითელ სამოსში გამოწყობილი მოცეკვავეთა გუნდი უმშვენებდა გვერდს. შემდეგ კი სიმღერა Killah ფანქით ინსპირირებული შესრულებით გააცოცხლა. მან თავდაპირველად სიმღერა Studio 8H-ში დაიწყო, ხოლო შემდეგ მთავარ სცენაზე გადაინაცვლა, სადაც ცოცხალ ჯგუფთან ერთად თავადაც იცეკვა.
Lady Gaga SNL-ზე წამყვანის როლში პირველად 2013 წელს გამოჩნდა, მას შემდეგ ათწლეულზე მეტი გავიდა. აღსანიშნავია, რომ Lady Gaga-ს ახალ ალბომს 2025 წელს წარმოუდგენელი წარმატება მოჰყვა. მისი კოლაბორაცია ბრუნო მარსთან – სიმღერით Die With a Smile მსოფლიო ჰიტად იქცა და Billboard Hot 100-ის პირველ ადგილს 5 კვირის განმავლობაში იკავებდა. ეს სინგლი Lady Gaga-ს კარიერაში 2011 წლის Born This Way-ს შემდეგ მეორე, ყველაზე ხანგრძლივი ნომერ პირველ ჰიტად იქცა. საბოლოოდ, Lady Gaga-მ და ბრუნო მარსმა საუკეთესო პოპ-დუეტისა და ჯგუფური შესრულების კატეგორიაში გრემი მოიპოვეს.
ახალი ალბომი სხვადასხვა პროდიუსერებთან თანამშრომლობით შეიქმნა. მათ შორის არიან: ენდრიუ უატი, Cirkut და პოლანსკი. პოპვარსკვლავი პროდიუსერებთან ერთად თანამედროვე მუსიკაში ახალ ხელწერას ქმნის.
„ჩემს კარიერაში ყოფილა პერიოდი, როდესაც ჩანაწერებთან კონცეპტუალური მიდგომა მქონია. ეს ალბომი თავიდან ბოლომდე ისე შეიკრა, თითქოს ცალკეული ნაწილები ერთმანეთს ბუნებრივად შეერწყა. არ მინდოდა მისი ხელოვნურად შექმნა, უბრალოდ მუსიკას მივყევი, ამას რომ ვაკეთებდი, ჩემი ადრეული ნამუშევრები მახსენდებოდა.” – აღნიშნა Lady Gaga-მ.
ნახეთ Lady Gaga-ს გამოსვლა შაბათის ღამის შოუში, სადაც იგი სიმღერებს: Abracadabra-ს და Killah-ს ასრულებს:
