1995 წლის დასაწყისში მადონა კვლავ იყო ა-კლასის ვარსკვლავი და მსოფლიოს ერთ-ერთი ყველაზე ცნობილი ადამიანი, მაგრამ ის უკვე აღარ იდგა პოპმუსიკის აბსოლუტურ ცენტრში. საკამათო ალბომების, სინგლების, ვიდეოებისა და ფილმების ნახევარმა დეკადამ პოპის დედოფლის პოზიციასთან დაკავშირებით საზოგადოება ორად გაყო. ამას თან დაერთო ისიც, რომ საცეკვაო პოპი, რომლითაც მადონამ 80-იან წლებში მსოფლიო დაიპყრო, მოდიდან გადავიდა. სცენა კი ალტერნატიულმა როკმა, ჰიპ-ჰოპმა და R&B-მ დაიკავა. თუმცა, ამ ყველაფრის მიუხედავად, 1995 წელს მადონამ შეძლო და რადიოს დომინაცია დაიბრუნა.
სწორედ მადონას საოცარი 1995 წლის განხილვას ეძღვნება „უდიდესი პოპვარსკვლავების” პოდკასტის ამ კვირის Vintage Pop Stardom ეპიზოდი, რომელშიც წამყვან ენდრიუ ანტერბერგერს „ბილბორდის” ჩარტების მენეჯერი კით კაილფილდი შეუერთდა. ეპიზოდი ფოკუსირდება ალბომ Bedtime Stories-ის პერიოდზე, როცა მადონამ მოულოდნელად Billboard Hot 100-ის ყველაზე დიდი ჰიტი შექმნა მთელი მისი კარიერის განმავლობაში. საუბარი ასევე ეხება ალბომის ბოლო ორ ექსპერიმენტულ სიმღერას; როლს მისი ცხოვრების მთავარ ფილმში; 95 წლის Video Music Awards-ს და საბოლოოდ, Something to Remember ალბომის ეპოქას.
ამასობაში კი ისმის ყველაზე მნიშვნელოვანი კითხვები მადონას 1990-იანი წლების შუა პერიოდზე: რომელი ევროპული მუსიკალური აქტი იყო მადონასთვის უკეთესი კოლაბორაცია: ბიორკი თუ Massive Attack? რატომ არავის ახსოვს, რომ Take a Bow ჩარტში მადონას ყველაზე დიდი ხნის ლიდერი ჰიტი იყო? იყო თუ არა Human Nature მასზე უფრო დიდი ჰიტი? ღირდა თუ არა „ევიტა” იმად, რომ 90-იანების ტურნეები გაეუქმებინა? ნამდვილად იმსახურებდა თუ არა ოქროს ჟოლოს Four Rooms-ში მონაწილეობისთვის? და, რა თქმა უნდა, ისმის კითხვბი 95 წლის VMA-ს შემდეგ კორტნი ლავთან ერთად ჩაწერილ ცნობილ ინტერვიუზეც.
მოუსმინეთ პოდკასტს, რომელიც მადონას 1995 წლის ყველაზე მნიშვნელოვან მომენტებს მიმოიხილავს:
